ننکانہ ریسکیو1122کے زیر اہتمام ماہانہ فز یکل فٹنس ٹیسٹ کا انعقاد کیا گیا

ننکانہ صاحب ،باغی ٹی وی (نامہ نگار احسان اللہ ایاز ) پنجاب ایمرجنسی سروس ریسکیو 1122ننکانہ صاحب کے تمام ریسکیو اہلکاروں کے لئے مانانوالہ روڈ ویلکم گیٹ کے قریب ماہانہ فزیکل فٹنس ٹیسٹ کا انعقاد کیا جس کی قیادت ڈسٹرکٹ ایمرجنسی آ فیسر محمد اکرم پنوار نے کی۔

فزیکل ٹیسٹ میں ضلع بھر کے ریسکیور آفیسرز اور ریسکیو اہلکاروں نے حصہ لیا۔ٹیسٹ میں ایک میل کا فاصلہ 7منٹ میں طے کرنے کے ساتھ جسمانی مشقیں بھی پاس کرنا تھا

اس موقع پر ڈسٹرکٹ ایمرجنسی آفیسر محمد اکرم پنوار کا کہنا تھا کہ ماہانہ فزیکل ٹیسٹ منعقد کروانے کا مقصد ریسکیو اہلکاروں کو جسمانی طور پر فٹ رکھنا ہے تا کہ کسی بھی ناگہانی صورتحال میں متاثرین کو بہتر انداز میں ریسکیو کیا جا سکے