سیالکوٹ،باغی ٹی وی( سٹی رپورٹر شاھد ریاض)مراد پور پولیس کی کاروائی،ڈکیتی کی درجنوں وارداتوں میں ملوث شمعون گینگ کے چار ملزمان گرفتار,لاکھوں روپے نقدی و مال مسروقہ برآمد*
ڈسٹرکٹ پولیس آفیسر سیالکوٹ محمد حسن اقبال کی ہدایات پر سیالکوٹ پولیس کا ضلع بھر میں جرائم پیشہ عناصر کے خلاف کریک ڈاؤن جاری ہے اس سلسلہ میں تھانہ مراد پور کی پولیس نے ایس ایچ او انسپکٹر میاں محمد عبدالرزاق کی زیرنگرانی ڈکیتی کی وارداتوں میں ملوث چار رکنی گینگ کو سرغنہ شمعون عرف کالا سمیت گرفتار کر لیا ہے ملزمان نے دوران تفتیش تھانہ کوٹلی لوہاراں,تھانہ ہیڈمرالہ,تھانہ مراد پور کے مختلف علاقوں میں درجنوں وارداتوں کا اعتراف کیا ہے,پولیس نے ملزمان سے دوران تفتیش شہریوں سے چھینی گئی ساڑھے تین لاکھ روپے نقدی,چھ لاکھ مالیتی چھ موٹرسائیکلیں,موبائل فونز اور جدید اسلحہ برآمد کر لیا ہے ملزمان سے مزید تفتیش جاری ہے جس کے بعد ملزمان سے مزید ریکوری عمل میں لائی جائے گی
Shares:
