باغی ٹی وی : کندھ کوٹ(نامہ نگار) ضلع بھر میں ڈاکو راج برقرار پانچ مغوی ڈاکوؤں کے چنگل سے بازیاب نہ ہونے پر مغویوں کے ورثاء اور مختلف سیاسی تنظیموں کی جانب سے قومی شاہراہ انڑ پل کے مقام پر ٹائر جلا کر پولیس کے خلاف احتجاجی دھرنا دے دیا، دھرنے کے شرکاء نے پولیس کے خلاف شدید نعرے بازی کی، دھرنے میں مغویوں کے ورثاء اور مختلف سیاسی تنظیموں کے سینکڑوں افراد نے شرکت کی ، روڈ بلاک ہونے سے کے باعث سندھ۔ پنجاب اور بلوچستان آنے جانے والی ٹریفک معطل ہوگئی جس سے گاڑیوں کی لمبی قطاریں لگ گئیں اس موقع پر مظاہرین نے کا کہنا تھا کہ ضلع بھر میں بڑھتی ہوئی بدامنی آئے روز اغوا ،قتل، لوٹ مار ڈکیتی کی وارداتیں روز کا معمول بن چکی ہیں پولیس انتظامیہ کی نااہلی کے باعث ایک ماہ کے اندر 40 سے زائد شہری اغوا ہو چکے ہیں ابھی بھی پانچ مغوی ڈاکوؤں کے چنگل میں قید ہیں کشمور پولیس خاموش تماشائی بنی ہوئی ہے بڑھتی ہوئی بدامنی کے باعث شہری عدم تحفظ کا شکار ہیں اور شہریوں میں شدید تشویش پائی جا رہی ہے مظاہرین نے ایک ہی مطالبہ کیا دھرنا تب تک ختم نہیں ہوگا جب تک مغوی بازیاب نہیں ہوں گے
Shares:
