لنڈی کوتل (باغی ٹی وی رپورٹ) خیبر انسٹیٹیوٹ آف ٹیکنیکل ایجوکیشن (KITE) کے طلبہ کے درمیان کرکٹ کا سنسنی خیز میچ خیبر رائفلز کے تاریخی گراؤنڈ پر کھیلا گیا۔ یہ میچ مارننگ اور ایوننگ سیشنز کی ٹیموں کے مابین ہوا، جس میں مارننگ سیشن کی ٹیم نے شاندار کارکردگی کا مظاہرہ کرتے ہوئے 7 وکٹوں سے فتح حاصل کی اور چیمپئنز ٹرافی اپنے نام کرلی۔
میچ کے دوران تماشائیوں کی بڑی تعداد موجود تھی، جنہوں نے دل کھول کر کھلاڑیوں کی حوصلہ افزائی کی۔ مارننگ سیشن کی ٹیم نے بہترین بیٹنگ اور بولنگ کا مظاہرہ کرتے ہوئے اپنی برتری ثابت کی۔
تقریب کے اختتام پر ڈپٹی ایڈمنسٹریٹر KITE نے ٹیموں میں انعامات اور ٹرافیاں تقسیم کیں اور کھلاڑیوں کی کارکردگی کو سراہتے ہوئے کہا کہ ایسے مقابلے طلبہ میں مثبت سوچ اور صحت مند سرگرمیوں کو فروغ دیتے ہیں۔ اس موقع پر انسٹیٹیوٹ کے انسٹرکٹرز، پرنسپل، اور طلبہ بھی موجود تھے، جنہوں نے میچ سے بھرپور لطف اٹھایا۔
