موسمیاتی تبدیلی کے لئے پاکستان برطانیہ "گرین کمپیکٹ” تاریخی معاہدہ طے پا گیا
دونوں ممالک نے موسمیاتی بحران سے نمٹنے اور پائیدار ترقی کے لیے طویل المدتی شراکت داری پر اتفاق کر لیا،
🇵🇰 اور 🇬🇧 کے درمیان موسمیاتی تبدیلی کے لیے "گرین کمپیکٹ” پر دستخط کر دیئے گئے،اس معاہدے کا مقصد پاکستان کو موسمیاتی آفات کی تیاری اور گرین انرجی کی جانب منتقلی میں مدد فراہم کرنا ہے۔پاکستان کو موسمیاتی تحفظ اور گرین انرجی کے لیے 35 ملین پاؤنڈ (تقریباً 12 ارب روپے) دینے کا وعدہ کر لیا گیا،یہ خطیر رقم پاکستان کے موسمیاتی منصوبوں اور ماحولیاتی تحفظ کے اقدامات میں براہ راست سرمایہ کاری کرے گی۔
وفاقی وزیر مصدق ملک کا کہنا ہے کہ ایک اور موسمیاتی آفت پوری جی ڈی پی کو صفر کر سکتی ہے، ملک معاشی بحالی کی کوششوں کے دوران ایک اور بڑے سیلاب یا آفت کا بوجھ نہیں اٹھا سکتا،ماضی سیلاب میں 4,700 جانیں ضائع ہوئیں اور 4 کروڑ لوگ بے گھر ہوئے، وفاقی وزیر نے پاکستان پر موسمیاتی تبدیلی کے تباہ کن اثرات کی ‘گراؤنڈ ریئیلٹی’ عوام کے سامنے رکھ دی،1.5 کروڑ پاؤنڈ سے "پاکستان کلائمیٹ فنانسنگ” فیسیلٹی قائم ہوگی،یہ فیسیلٹی سستی اور گرین بجلی کی پیداوار کو فروغ دے گی تاکہ کوئلے اور تیل پر انحصار کم کیا جا سکے،2 کروڑ پاؤنڈ مینگرووز کی حفاظت پر خرچ ہوں گے،اس فنڈ سے پاکستان کے ساحلی جنگلات کی بحالی اور تحفظ کو یقینی بنایا جائے گا جو ماحولیاتی توازن کے لیے اہم ہیں،مینگرووز ساحلی شہروں کی "پہلی دفاعی لائن” ثابت ہوگی،مینگرووز سمندری طوفانوں اور ساحلی کٹاؤ سے کراچی سمیت دیگر شہروں کو ڈوبنے سے بچانے میں کلیدی کردار ادا کریں گے،معاہدے کے تحت شمسی اور ہوا (Solar/Wind) سے بجلی بنانے کے جدید منصوبے لگیں گے، گرین کمپیکٹ نجی سرمایہ کاری کو راغب کر کے قابل تجدید توانائی (Renewable Energy) کے میدان میں انقلاب لائے گا، گرین کمپیکٹ کا فوکس "یوتھ اور انوویشن” پر ہے نوجوانوں کو ماحول دوست آئیڈیاز اور گرین سٹارٹ اپس کو ترقی دینے کے لیے پلیٹ فارم اور سپورٹ فراہم کی جائے گی
