مقبوضہ کشمیر:بانڈی پورہ میں مسجد نورآگ بھڑکنے سے جل کر خاکستر ہوگئی

سری نگر:مقبوضہ کشمیر کے شمالی ضلع بانڈی پورہ میں آگ کی ایک کی بھیانک واردات میں معروف ‘مسجد نور’ خاکستر ہوگئی ہے۔ بانڈی پورہ کی ناز کالونی میں واقع مسجد نور کی تیسری منزل سے ہفتہ کی علی الصبح قریب چار بجےبھاینک آگ لگ گئی۔جس نے آناً فاناً پوری مسجد کو اپنی لپیٹ میں لے لیا۔بڑی تعداد میں مقامی لوگ اور فائر ٹینڈرز جائے واردات پر پہنچے۔ اگرچہ وہ آگ کو بستی میں پھیلنے سے روکنے میں کامیاب ہوئے تاہم مسجد کو بڑے پیمانے کے نقصان سے بچا نہ سکے۔

سرکاری ذرائع نے بتایا کہ آگ لگنے کی وجہ فوری طور پر معلوم نہیں ہوسکی۔ انہوں نے بتایا کہ پولیس نے کیس درج کرکے تحقیقات شروع کردی ہیں.معروف مسجد نور میں تبلیغی جماعت کا ضلعی مرکز بھی قائم تھا۔پولیس حکام کا کہنا ہے کہ امکان یہی ہے کہ یہ آگ بجلی کے سرکٹ شارٹ ہونے کی وجہ بھڑک اٹھی تاہم مزید تحقیقات جاری ہیں.