Ayesha Rehmani
لاہور: موٹاپا جسمانی بیماریوں کی بڑی وجہ،باقاعدہ سیراور ورزش کو اپنا معمول بنائیں:پرنسپل امیر الدین میڈیکل کالج پروفیسر الفرید ظفر نے کہا ہے کہ خواتین اپنی صحت کو بہتر بنانےکیلئے لائف سٹائل اور خوراک میں ضروری تبدیلیاں لائیں طبی ماہرین کا کہناہےکہ مرغن غذاؤں، جنک فوڈ اور چینی سے پرہیز،فربہ جسم، امراض قلب، ذیابیطس و دیگر بیماریوں سے بچاؤ کا موثر زریعہ ہے، سربراہ ایل جی ایچ کا کہناہے کہ صحت مند رہنے کیلئے وٹامنز کی مناسب مقدار کا انسانی جسم میں ہونا ضروری ہے-
باغی ٹی وی : جنرل ہسپتال میں لائف سٹائل میڈیسن اورخواتین کی صحت کیلئے پیراڈائم شفٹ کے موضوع پرورکشاپ سے خطاب کرتے ہوئے پرنسپل امیر الدین میڈیکل کالج پروفیسر ڈاکٹر محمد الفرید ظفر نے کہا ہے کہ موٹاپا جسمانی بیماریوں کی بڑی وجہ ہے جو روزمرہ زندگی میں مشکلات کے علاوہ دیگر امراض کا باعث بھی بنتا ہے جبکہ چہل قدمی اور سیر سے موٹاپے پر قابو پانے کے علاوہ ذہنی اور جسمانی صحت پر مثبت اثرات مرتب ہوتے ہیں۔انہوں نے کہا کہ بالخصوص خواتین اپنے طرز زندگی، روزمرہ معمولات، خوراک میں ضروری ردو بدل اور دیگر احتیاطی تدابیر اختیار کر کے خود کو نہ صرف بہت سے امراض سے محفوظ رکھ سکتی ہیں بلکہ یہ اقدام اُن کیلئے بیماریوں کی روک تھام میں بھی اہم کردار ادا کر سکتا ہے جو انہیں ادویات کے غیر ضروری استعمال سے بچانے میں بھی مددگار ثابت ہوگا۔
اس ملک کے ساتھ صرف علمائے کرام نے وفاداری کی ہے،مولانا فضل الرحمان
ان خیالات کا اظہار پرنسپل پی جی ایم آئی پروفیسر الفرید ظفر نے لاہور جنرل ہسپتال گائنی یونٹ 3کے زیر اہتمام خواتین کی صحت کے لئے ”لائف سٹائل میڈیسن اورپیرا ڈائم شفٹ” کے موضوع پر منعقد ورکشاپ کے شرکاء سے خطاب کرتے ہوئے کیا پروفیسر امبرین حیدرنے اپنے لیکچر میں سادہ غذا، ورزش کے رہنما اصول اور سیلف میڈیکیشن سے بچاؤکے بارے میں تفصیلی آگاہی دی۔
چیمپئنز ٹرافی:بھارت نے 15 رکنی اسکواڈ کا اعلان کردیا
پروفیسر ندرت سہیل کا کہنا تھا کہ مرغن غذاؤں اور چینی سے اجتناب کر کے فربہ جسم، امراض قلب اور دیگر بیماریوں سے بچاؤ ممکن ہے۔ورکشاپ میں پروفیسر آمنہ احسن چیمہ، ڈاکٹر سائرہ فیاض، ڈاکٹر لیلیٰ شفیق، ڈاکٹر شبنم محمد علی، ڈاکٹر مصباح کوثر، ڈاکٹر مریم ذو الفقار، اور ڈاکٹر مہوش الیاس سمیت کثیر تعداد میں گائنا کالوجسٹس موجود تھیں۔ پرنسپل پروفیسر الفرید ظفر نے آگاہی ورکشاپ کے انعقاد پر پروفیسر آمنہ احسن چیمہ، ڈاکٹر سائرہ فیاض اور ڈاکٹر لیلیٰ شفیق اور اُن کی ٹیم کی کاوشوں کو بھی سراہا اور توقع ظاہر کی کہ وہ آئندہ بھی ایسی مثبت اور تعمیری سرگرمیوں کا انعقاد کرتے رہیں گے۔
190 ملین پاؤنڈ کیس کے فیصلے پر بانی پی ٹی آئی ذرا بھی پریشان نہیں، شیخ رشید
میڈیا سے گفتگو میں پرنسپل پروفیسر الفرید ظفر کا کہنا تھا کہ لائف سٹائل کا ہماری ذہنی و جسمانی صحت سے گہرا تعلق ہوتا ہے،لوگ اس امرکا خیال نہیں رکھتے کہ صحت کیلئے کونسی غذا مناسب ہے کیونکہ ہر وقت کھاتے رہنا اورغیر صحت بخش غذاؤں کے نتیجے میں بہت سی بیماریاں پیدا ہوتی ہیں۔انہوں نے کہا کہ صحت مند رہنے کے لئے وٹامنز کی مناسب مقدار کا جسم میں ہونا ضروری ہے اگرچہ وٹامن ہر شخص کی ضرورت ہے تاہم خواتین کے لیے وٹامن کی اہمیت مردوں سے زیادہ ہے۔
بنگلہ دیش سے فرار شیخ حسینہ کا جذباتی آڈیو پیغام جاری
انہوں نے گائنا کولوجسٹس پر زور دیا کہ وہ علاج معالجے کے لئے آنے والی خواتین کو صحت مند رہنے کے سنہری اصولوں سے بھی آگاہ کریں اور خود سے ادویات کے استعمال سے بچاؤ کیلئے آگاہی فراہم کریں جبکہ مریض کو یہ بھی بتایا جائے کہ بیماری کی صورت میں مستند معالج کے مشورے سے ہی ادویات کا استعمال یقینی بنائیں-
