موٹروے پر پاکستانی نژاد امریکی خاندان کے ساتھ ڈکیتی کی واردات

چارسدہ موٹروے پر ڈاکوؤں نے پاکستانی نژاد امریکی خاندان کو لوٹ لیا ہے

موٹروے بھی غیر محفوظ ہو گئی ، ڈاکو موٹروے پر بھی وارداتیں کرنے لگ گئے، متاثرہ خاتون کے مطابق ڈاکو ان سے موبائل فون، زیور، پیسے اور سفری دستاویزات لوٹ کر فرار ہو گئے،پشاور سے براستہ موٹروے اسلام آباد جاتے ہوئے ان سے کابلی کورونہ کے قریب اسلحہ کے زور پر لوٹ مار کی گئی، تین مسلح ڈاکوؤں نے پہلےٹائر بلاسٹر سے گاڑی کے ٹائر ناکارہ بنائے اور پھر انہیں لوٹ کر فرار ہو گئے

خاتون کے مطابق وہ امریکا سے پاکستان عید منانے آئے تھے اور اسلام آباد میں رہائش پذیر تھے،موٹروے پر لٹنے والے خاندان نے نے وزیراعظم شہباز شریف اور وزیراعلی خیبرپختونخوا علی امین گنڈاپور سے واقعے کا نوٹس لینے کی اپیل کی ہے، پولیس نے واقعہ کا مقدمہ درج کر لیا ہے