حکومتی مسودہ مسترد کر دیا،ساتھ دیتے تو خیانت ہوتی،مولانا فضل الرحمان

جے یو آئی سربراہ مولانا فضل الرحمان پی ٹی آئی رہنما اسد قیصر کے گھر پہنچ گئے

مولانا فضل الرحمان اسد قیصر کی رہائشگاہ پہنچے تو پی ٹی آئی رہنماؤں نے انکا استقبال کیا، اس موقع پر صحافی بھی موجود تھے،جنہوں نے مولانا فضل الرحمان سے اسد قیصر کے گھر آمد پر سوال کیا جس پر مولانا فضل الرحمان کا کہنا تھا کہ اسد قیصر نے میرے بہت کھانے کھائے،اس لئے آیا ہوں، مولانا کے جواب پر موجود لوگوں نے قہقہے لگائے، مولانا فضل الرحمان نے خود بھی اس موقع پر مسکرا دیئے.ذرائع کے مطابق اسد قیصر نے مولانا فضل الرحمان اور پی ٹی آئی رہنماؤں کے اعزاز میں ظہرانہ دیا، عارف علوی سمیت پی ٹی آئی کی مرکزی قیادت اسد قیصر کے گھر پہنچ چکی ہے،

حکومتی مسودہ مکمل مسترد کر دیا،مولانا فضل الرحمان،ملکر چلیں گے، اسد قیصر
اس موقع پر مولانا فضل الرحمان کا کہنا تھا کہ ہم نے حکومت کا بِل مسودہ مکمل مسترد کر دیا ہے،۔وہ تو اب یہ بھی کہہ رہے ہیں کہ ہمارا کوئی مسودہ ہے نہیں، تو پھر جو دیا تھا وہ کیا تھا،اگر ہم حکومت کا ساتھ دیتے تو یہ قوم کی امانت اور ملک کیساتھ اس سے بڑی خیانت ہوگی،اسد قیصر کا کہنا تھا کہ جے یو آئی ف اور پی ٹی آئی پارلیمنٹ میں جو کریں گے ملکر کریں گے،ہم نے آپس میں فیصلہ کیا ہے کہ جو بھی چیز ہوگی ہم اپوزیشن آپس میں مشاورت سے معاملات کو آ گے بڑھائینگے

صحافی نے مولانا فضل الرحمان سے سوال کیا کہ آج خبریں چلی ہیں کہ عمران خان نے آپ سے متعلق کسی سوال کا جواب نہیں دیا، مولانا فضل الرحمان نے مسکراتے ہوئے جواب دیا کہ میں بھی جواب نہیں دے رہا،میں اس معاملے پر، اس سے متعلق کوئی بات نہیں کرنا چاہتا،

واضح رہے کہ گزشتہ روز بھی سابق صدر ڈاکٹر عارف علوی نے مولانا فضل الرحمان سے ملاقات کی تھی، سلمان اکرم راجہ بھی ان کے ہمراہ تھے۔ ملاقات کے دوران آئینی ترمیم کے حوالے سے مجوزہ تجاویز کا جائزہ لیا گیا۔

واضح رہے کہ آئینی ترامیم کو لے کر مولانا فضل الرحمان اس وقت اہمیت اختیار کر چکے ہیں، گزشتہ روز پیپلز پارٹی کے وفد نے بھی بلاول زرداری کی قیادت میں مولانا فضل الرحمان سے ملاقات کی تھی، اس سے قبل بھی بلاو ل کی مولانا سے ملاقات ہو چکی ہے، محسن نقوی، وزیر قانون کی بھی مولانا فضل الرحمان سے ملاقاتیں ہو چکی ہیں، گزشتہ چار دنوں میں پی ٹی آئی وفد کی بھی مولانا فضل الرحمان سے یہ چوتھی ملاقات ہے.

آئینی ترامیم جمہوریت پر حملہ،سیاسی جماعتوں کو شرم آنی چاہیے،علی امین گنڈا پور

آئینی عدالتیں عالمی ضرورت ہیں، انوکھا کام نہیں کر رہے: بیرسٹر عقیل ملک

آئینی ترمیم کی ناکام کوشش: حکومت اور اتحادیوں میں اختلافات نمایاں، بیر سٹر علی ظفر

پیپلز پارٹی اور مولانا فضل الرحمان کی آئینی ترمیم پر بات چیت جاری ہے،خورشید شاہ

سپریم کورٹ میں مجوزہ آئینی ترامیم کو کالعدم قرار دینے کی درخواست دائر

واضح رہے کہ حکومت کی جانب سے قومی اسمبلی، سینیٹ میں آئینی ترامیم پیش کی جانی تھیں تا ہم اتحادی جماعتوں کی جانب سے مزید مشاورت کے لئے وقت مانگا گیا جس پر حکومت نے آئینی ترامیمی بل پیش نہ کیا، قومی اسمبلی،سینیٹ کا اجلاس غیر معینہ مدت کے لیے ملتوی ہو چکا ہے، حکومت کو نمبر پورے کرنے کے لئے مولانا فضل الرحمان کی مدد درکار ہے، دو دنوں میں نصف درجن سے زائد حکومتی نمائندوں کی مولانا فضل الرحمان سے ملاقاتیں ہوئیں تاہم مولانا فضل الرحمان اس بات پر ڈٹے رہے کہ آئینی ترامیم کا مسودہ دیکھ کر وہ مشاورت کریں گے، تا ہم وہ ایکسٹینشن والی ترامیم کی مخالفت کریں گے،

آئینی ترامیم میں کیا ہے؟مسودہ باغی ٹی وی نے حاصل کر لیا

آئینی ترامیم،قومی اسمبلی،سینیٹ اجلاس آج،مولانا فضل الرحمان اہمیت اختیار کر گئے

عمران خان نے اشارہ کیا تو بنگلہ دیش کو بھول جاؤ گے،بیرسٹر گوہر کی دھمکی

ہوسکتا ہے جنرل فیض حمید اندر یہ گانا گا رہے ہوں کہ آ جا بالما تیرا انتظار ہے، خواجہ آصف

بل پیش کرنے سے پہلے کابینہ سے منظوری لازمی ہے،بیرسٹر گوہر

وفاقی حکومت کا علیحدہ آئینی عدالت کے قیام کا منصوبہ

پارلیمنٹ کو کوئی بھی آئینی ترمیم کرنے کا اختیار ہے،احسن بھون

لاہور:پاکستان کوکلئیر ویلفیئر آرگنائزیشن کا پہلا باضابطہ اجلاس،اہم فیصلے کئے گئے

پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے