اسلام آباد: پی ٹی آئی کے سیکرٹری جنرل عمر ایوب مولانا فضل الرحمان کے گھر پہنچ گئے-
باغی ٹی وی : عمر ایوب نے صحافیوں سے غیررسمی گفتگو میں کہا کہ مولانا فضل الرحمان سے ووٹ مانگنے آیا ہوں، کیا مولانا صاحب مان جائیں گے؟ووٹ مانگنا میرا کام ہے ،اسپیکر اور وزیراعظم کیلئے ووٹ مانگنے آئے ہیں، کیا بانی چیئرمین کو پتہ ہے کہ آپ مولانا فضل الرحمان سے ملاقات کررہےہیں؟ سوال کے جواب میں عمرایوب نے کہا کہ کیوں نہیں پتہ، عمر ایوب کے علاوہ اسد قیصر اور جنید اکبر بھی مولانا فضل الرحمان سے ملاقات کیلئے ان کی رہائش گاہ پہنچے ، ملاقات میں مولانا فضل الرحمان نے اپوزیشن جماعتوں کے ملکر چلنے کو خوش آئند قرار دیا۔
فلائی جناح نے لاہور سے شارجہ کیلئے پرواز متعارف کرادی
ملاقات کے بعد میڈیا سے گفتگو میں اسد قیصر نے کہا کہ ہم فارم 45 کے نتائج کے لئے ملک گیر الائنس بنانے پر کام کررہے ہیں کیونکہ اس الیکشن میں ملکی تاریخ کی سب سے زیادہ دھاندلی ہوئی ہے،کس نے یہ دھاندلی کروائی ہے؟ سے متعلق سوال کے جواب میں اسد قیصر نے کہا کہ جس نے یہ سب سسٹم چلایا ہے اس کا سب کو پتا ہے۔
کراچی میں بارشیں،رین ایمرجنسی نافذ
سنی اتحاد کونسل کے نامزد امیدوا ر برائے وزیر اعظم عمرایوب خان اور نامزد امیدوار برائے اسپیکر ملک عامر ڈوگر نے میڈیا سے گفتگومیں کہا ہم نے اپنا مؤقف مولانا فضل الرحمان کے سامنے رکھا ہے،فارم 45کے مطابق جو بھی نتیجہ بنتا ہے وہ دیا جائے، فری الیکشن کا تقاضا پامال کیا گیا ہے یہ پاکستان کا دھاندلی زدہ الیکشن ہوا ہے آج جن ارکان نے حلف اٹھایا ہے ان کی اخلاقی حیثت کیا ہے؟ ہم نے مولانا سے صرف ووٹ کی بات نہیں کی ہم اسمبلی میں اس ایشو پر اکٹھے بات کریں گے۔
عمر ایوب خان نے کہا کہ ہم قانون کی بالادستی چاہتے ہیں، ہم مسلم لیگ ن کے علاوہ سب جماعتوں کو فارم 45کے تحت نتائج چاہتے ہیں جس پر اسد قیصر نے وضاحت کی کہ پی پی پی اور ایم کیو ایم نے بھی مینڈیٹ چرایا ہے اس لئے ان کے علاوہ باقی جماعتوں سے بات کریں گے، ایک سوال کے جواب میں عمر ایوب نے کہا کہ بانی پی ٹی آئی کو معلوم ہے کہ ہم مولانا فضل الرحمان سے قومی اسمبلی میں اپنے نامزد کردہ اسپیکر، ڈپٹی اسپیکر اور وزیراعظم کے لیے ووٹ مانگنے آئے ہیں
