مولانا فضل الرحمان کی خوشدامن وفات پا گئیں

جمعیت علما ء اسلام کے سربراہ مولانا فضل الرحمان کو بڑا صدمہ، خوشدامن وفات پا گئیں

مولانا فضل الرحمان کی خوشدامن کافی عرصے سے علیل تھیں اور مقامی ہسپتال میں انکا علاج جاری تھا، آج انکی موت ہو گئی ہے، انکی نماز جنازہ آج پشاور میں ادا کی جائے گی، نماز جنازہ مغرب کے بعد باغ ناران میں ادا کی جائے گی، نماز جنازہ میں جے یو آئی کارکنان بھی بڑی تعداد میں شریک ہوں گے،

مرحومہ سابق ایم این اے شاہدہ اختر علی اور سابق ایم پی اے ریحانہ اسماعیل کی والدہ تھیں

اسپیکر قومی اسمبلی راجہ پرویز اشرف نے جمیعت علمائے اسلام (ف) کے سربراہ مولانا فضل الرحمٰن کی خوشدامن اور سابق ممبر قومی اسمبلی شاہدہ اختر علی کی والدہ کے انتقال پر گہرے دکھ اور افسوس کا اظہار کیا ہے،اسپیکر قومی اسمبلی نے مولانا فضل الرحمٰن اور اہلخانہ سے اظہار تعزیت کیا ہے، اور کہا ہے کہ غم اور دکھ کی اس گھڑی میں سوگوار خاندان کے غم میں برابر کا شریک ہوں۔مرحومہ کی وفات ان کے اہلخانہ کے لیے ناقابل تلافی نقصان اور بڑا صدمہ ہے۔اسپیکر قومی اسمبلی نے اللہ تعالیٰ سے مرحومہ کے درجات کی بلندی اور سوگوار خاندان کو اس نا قابل تلافی نقصان کو برداشت کرنے کیلئے صبر جمیل عطاء فرمانے کی دعا کی