سیالکوٹ، باغی ٹی وی( بیوروچیف شاہد ریاض سے) ڈپٹی کمشنر سیالکوٹ محمد ذوالقرنین کا تحصیل پسرور کے موضع بن باجوہ کے بنیادی مرکز صحت کا سرپرائز وزٹ، ڈسپنسر اور لیڈی ہیلتھ ورکرز کے علاوہ میڈیکل آفیسر سمیت پورا عملہ ڈیوٹی سے غائب، ڈپٹی کمشنر کا تشویش کا اظہار، ڈیوٹی سے غائب میڈیکل آفیسر سمیت عملہ کی محکمانہ انکوائری اور سخت ڈسپلنری ایکشن لینے کی حکم جاری کردیا۔
تفصیلات کے مطابق ڈپٹی کمشنر سیالکوٹ محمد ذوالقرنین نے آج تحصیل پسرور کے دورہ کے دوران ماڈل ویلج بن باجوہ کے سرپرائز دورہ کے دوران بنیادی مرکز صحت کا معائنہ کرنے پہنچیں تو ڈیوٹی سے صرف ڈسپنسر اور لیڈی ہیلتھ ورکرز کو موجود پایا جبکہ وویمن میڈیکل آفیسر ڈاکٹر منیبہ اقبال سمیت پورا عملہ ڈیوٹی سے غائب پایا گیا۔
ڈپٹی کمشنر نے ڈپٹی ڈسٹرکٹ آفیسر پسرور کو ہدایت کی کہ معاملہ کی انکوائری کریں اور ذمہ داروں کے خلاف ڈسپلنری ایکشن لیا جائے اور رپورٹ پیش کریں۔
بعد ازاں ڈپٹی کمشنر نے ستھرا پنجاب پروگرام کے تحت کوڑا کرکٹ کے ڈھیروں کو اٹھانے کے عمل کا جائزہ لیا۔ ڈپٹی کمشنر نے کہا کہ حکومت پنجاب نے بن باجوہ کو ماڈل ویلج بنا دیا ہے، یہاں پر صفائی کیلئے خصوصی انتظامات کئے جارہی ہیں جبکہ کوڑا کرکٹ کیلئے 50 کوڑا دان رکھے جائیں گے۔
اس موقع پر موجود اے سی پسرور قمر منج اور ڈی ڈی ایل جی سمیت متعلقہ محکموں کے حکام بھی موجود تھے۔
ڈپٹی کمشنر سیالکوٹ محمد ذوالقرنین نے کہا کہ دیہات میں صفائی مہم میں یونین کونسل کو لیڈ لینی ہوگی۔
بعد ازاں ڈپٹی کمشنر نے تحصیل ہیڈ کوارٹر ہسپتال پسرور کا دورہ کے دوران ہسپتال کی ایمرجینسی، او پی ڈی، فارمیسی اور وارڈز کا معائنہ کیا۔ ڈپٹی کمشنر نے فارمیسی میں ادویات کی دستیابی اور ریکارڈ کا معائنہ کیا۔
ڈپٹی کمشنر نے ہسپتال نے کہا کہ مریضوں کو معیاری طبی سہولیات کی فراہمی حکومت پنجاب کی اولین ترجیح ہے اس سلسلہ میں غفلت اور کوتاہی برداشت نہیں کی جائے گی۔
دریں اثناء ڈپٹی کمشنر محمد ذوالقرنین نے اسسٹنٹ کمشنر پسرور کے دفاتر کا دورہ کیا اور ریونیو افسران سے خطاب کرتے ہوئے کہا کہ محکمہ ریونیو کی محصولات اور زرعی انکم ٹیکس سمیت دیگر واجبات کے حصول کیلئے دیئے کے اہداف کو مقررہ مدت کے اندر حاصل کیا جائے۔
۔۔۔۔۔۔۔
