میرپورخاص (باغی ٹی وی نامہ نگار سید شاہزیب شاہ) ڈسٹرکٹ ہیلتھ آفیسر ڈاکٹر امجد اعظم نے محمد میڈیکل اسپتال میں ہیپاٹائٹس بی ویکسینیشن کیمپ کا افتتاح کیا۔ یہ کیمپ ابنِ سینا یونیورسٹی کے چانسلر کی ہدایت پر اور میڈیکل سپرنٹنڈنٹ ڈاکٹر خادم حسین لاکھیر کی نگرانی میں لگایا گیا تھا۔
اس موقع پر ڈاکٹر امجد اعظم نے خود بھی ویکسین لگوائی اور نوجوانوں کو اس خطرناک اور جان لیوا مرض سے محفوظ رکھنے کی ضرورت پر زور دیا۔ انہوں نے کہا کہ ایسے کیمپس صحت عامہ کے لیے نہایت اہم ہیں اور معاشرے میں بیماریوں کی روک تھام میں کلیدی کردار ادا کرتے ہیں۔
کیمپ کی تقریب میں وائس چانسلر پروفیسر ڈاکٹر شمس العارفین خان، چیئرمین آف میڈیسن ڈپارٹمنٹ ڈاکٹر عبدالقادر خان اور دیگر معززین نے بھی بڑی تعداد میں شرکت کی اور اس اقدام کو سراہا۔
