میرپورخاص:شہید جان محمد مہر کے قاتلوں کی عدم گرفتاری کے خلاف احتجاجی ریلی

میرپورخاص،باغی ٹی وی (نامہ نگارسید شاہزیب)شہید جان محمد مہر کے قاتلوں کی عدم گرفتاری کے خلاف احتجاجی ریلی
میرپور خاص میں شہید جان محمد مہرکے قتل پر احتجاجی ریلی یونین آف جرنلسٹ میرپورخاص کی جانب سے صحافی شہید جان محمد مہر کے قاتوں کی عدم گرفتاری پر ایک احتجاجی ریلی صحافی یونین آف جرنلسٹ کے رہنما سلیم شعاعی ، شاہد خان، اور دیگر کی قیادت میں پوسٹ آفس چوک سے نکالی گئی جس میں صحافیوں کے علاوہ سیاسی، کاروباری، سماجی تنظیموں اور دیگر شخصیات نے شرکت کی ۔

پی ٹی آئی ڈویزن کے صدرآفتاب حسین قریشی،ڈسٹرکٹ کوآرڈینیٹر محمد علی راجپوت،ڈسٹرکٹ انفارمیشن سیکرٹری عنایت مری،میر شیر محمد ،ٹاؤن کے نائب صدر ظفر احمد خان بھائی نے شرکت کی
احتجاجی ریلی سے خطاب کرتے ہوئے آفتاب حسین قریشی نے کہا کہ شہید جان محمد مہر ایک بلند پائے کے بہادر نڈر اور بیباک صحافی تھے جو سچ اور حق بات کرنے سے نہیں گھبراتے تھے ، ظالموں کی آنکھوں میں آنکھیں ڈال کر بات کرتا تھا، یہی بات بعض لوگوں کو کھٹکتی تھی اسی وجہ سے ایسے راستے سے ہٹا دیا گیا۔

انھوں نے کہا کہ شہباز دور میں جتنا ظلم و بربریت صحافی برادری پر ہوا، وہ آج تک کسی دور میں نہیں ہوا، ارشد شریف کا قتل ہو یا جو بیرون ملکوں میں رہنے پر مجبور ہیں۔ ہم صحافی بھائیوں کے ساتھ کھڑے ہیں ہم مطالبہ کرتے ہیں کہ شہید جان محمد مہر کے قاتلوں کو جلد از جلد گرفتار کیا جائے۔

سول سوسائیٹی کے مسود عباس، تاجر برادری کے صدر کامران میمن، جماعت اسلامی کے رہنما نور الہی مغل ، زاہد قائم خانی، و دیگر عہدیدران نے خطاب کیا اورمطالبہ کیا کہ شہید جان محمد مہر کے قاتلوں کو قانون کے کٹہرے میں لایا جائے اور قرار واقعی سزا دی جائے۔