میرپورخاص:میئر اور ڈپٹی میئرکی ڈی آئی خان میں شہید ہونیوالے پاک فوج کے جوان کے والد سے تعزیت

میرپورخاص،باغی ٹی وی(نامہ نگار سید شاہزیب شاہ کی رپورٹ ) میئر میرپورخاص عبدالرؤف غوری اور ڈپٹی میئر جنید بلند نے ڈیرہ اسماعیل خان میں شہید ہونے والے پاک فوج کے حوالدار شاہد اقبال شہید کے گھر پر جاکر انکے والد اور بھائیوں سے تعزیت کی

اس موقع پر میئر رؤف غوری نے میڈیا سے بات کرتے ہوئے کہا کہ وطن پر شہید ہونے والوں کا ذکر کرکے دلوں کو راحت ملتی ہے کیونکہ شہید ہمیشہ زندہ رہتے ہیں میئر رؤف غوری نے شہید کے والد اور بھائیوں سے کہا کہ میرے لائق کوئی بھی کام ہو تو مجھے خدمت کاموقع دیں

اس موقع پر ہردلعزیز یونین کونسل 4 سٹلائٹ ٹاؤن کے چیئرمین کے حاجی فاروق ملک نے کہا کہ ہم سو رہے ہوتے ہیں مگر یہ ہماری پاک افواج ہی ہیں جو اپنی شہادتیں پیش کرکے ہمیں آرام اور سکون مہیا کرتی ہیں اس موقع پہ حاجی فاروق ملک نے شہید حوالدار شاہد اقبال کو زبردست خراج تحسین پیش کیا

اسکے بعد میئر میرپورخاص عبدالرؤف غوری ایوان صحافت کے صدر فلک شیر سے انکے والد کے انتقال تعزیت کرنے گئے اس دوران سرپرست ایوان صحافت ہاشم شر اور دیگر صحافی بھی موجود تھے جبکہ میئر عبدالرؤف غوری اور جنید بلند کے ساتھ حاجی فاروق ملک یار محمد بلوچ. رزاق ھاشمانی. شریف بلوچ. ممتاز جھنڈیر. اے بی لغاری. یوسف سومرو. ایوب. لیاقت علی شاہ. فرخ میئو اور ایوب لغاری موجود تھے