میرپورخاص،باغی ٹی وی(نامہ نگار ،سید شاہزیب شاہ) ایم کیو ایم پاکستان کی جانب سے لالا رانگڑ کے بیٹے کے انتقال پر تعزیت
متحدہ قومی موومنٹ (ایم کیو ایم) پاکستان کے رہنماؤں نے میرپورخاص کے ہمدرد لالا رانگڑ کے جواں سال بیٹے کے انتقال پر گہرے دکھ اور افسوس کا اظہار کیا ہے۔
تفصیلات کے مطابق، سندھ تنظیمی کمیٹی کے انچارج سلیم رزاق، رکن شفیق احمد، جوائنٹ انچارج و ممبر صوبائی اسمبلی ایڈووکیٹ محمد راشد خان، میرپورخاص ڈسٹرکٹ انچارج خالد تبسم، جوائنٹ انچارج آفاق احمد خان، اور ڈسٹرکٹ کمیٹی کے دیگر اراکین نے لالا رانگڑ کے اہلِ خانہ سے تعزیت کی۔ رہنماؤں نے مرحوم کی مغفرت اور پسماندگان کے لیے صبر کی دعا کی۔
ایم کیو ایم پاکستان کے رہنماؤں نے اس دکھ کی گھڑی میں لالا رانگڑ اور ان کے خاندان کے ساتھ مکمل یکجہتی کا اظہار کیا اور دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے۔
