ٹھٹھہ : متحدہ کے ضلعی رہنماؤں نے وفد کے ہمراہ کراچی مچھر کالونی میں وحشیانہ تشددسے شہید ہونے والے نوجوان کے ورثاء سے اظہار تعزیت کیا
باغی ٹی وی ،ٹھٹھہ (نامہ نگار راجہ قریشی) ٹھٹھہ متحدہ قومی موومنٹ کے ضلعی رہنماء نے وفد کے ہمراہ کراچی مچھر کالونی میں وحشیانہ تشدد کے واقعے میں شہید ہونے والے نوجوان کے ورثاء سے اظہار تعزیت و ہمدردی۔
تفصیلات کے مطابق متحدہ قومی مومنٹ (پاکستان) ضلع ٹھٹھہ کے سینئر رہنماء ضمیر حسین پیروزانی اور محمد جنید صدیقی نے اپنے ایک وفد کی صورت میں کراچی مچھر کالونی میں وحشیانہ تشدد کے واقعہ میں شہید ہونے والے نوجوان انجنیئر محمد ایمن جاوید کی رہائشگاہ ٹھٹھہ پہنچ کر ان کے والد سینئر صحافی ڈاکٹر سعید جاوید سے تعزیت کرتے ہوئے اپنے گہرے رنج و غم اور افسوس کا اظہار کیا اس موقع پر انہوں نے کہا کہ پیش آنے والا واقعہ انتہائی افسوسناک اور انسانیت کا سر شرم سے جھکا دینے والا ہے جسکی جتنی بھی مذمت کی جائے وہ کم ہے انہوں نے اقتدار میں بیٹھے اعلیٰ حکام سے پرزور مطالبہ کرتے ہوئے کہا کہ شہید انجنیئر ایمن جاوید اور اسحاق پنہور کے پر تشدد قتل کرنے کے واقعہ میں جتنے بھی افراد ملوث ہیں ان کے خلاف سخت قانونی کارروائی عمل میں لائی جائے اور انہیں جلد کیفر کردار تک پہنچایا جائے تاکہ آئندہ اس طرح کے پر تشدد واقعات کی روک تھام کیلئے ایسی مؤثر حکمت عملی تشکیل دی جائے تاکہ آئندہ ایسے واقعات رونماء نہ ہو سکیں اس موقعہ پر سینئر رہنماء ایم کیو ایم پاکستان ضمیر حسین پیروزانی اور محمد جنید صدیقی نے شہید انجینیئر ایمن جاوید کے والد ڈاکٹر سعید جاوید سے کہا کہ دکھ کی اس گھڑی میں ایم کیو ایم پاکستان کے تمام سینئر رہنماء اور کارکنان برابر کے شریک ہیں انہوں نے مقتول کے ورثاء کو اپنے مکمل تعاون اور ہر قسم کی مدد کرنے کی بھی یقین دہانی کرائی اس موقعہ پر ضلع ٹھٹہ کے مختلف ٹاؤنز یوسیز اور علاقوں سے تعلق رکھنے والے ایم کیو ایم پاکستان کے سینئر کارکنان عطاء محمد جانوری، شیر خان عارفانی، مخدوم عابد حسين، ماموں میربحر، امجد بھٹی، شاہجہان بلوچ، شوکت پٹھان، ممتاز علی شورو، علی اصغر شاه، شہزاد عارفانی، کاشف علی شیخ، حاجی الہڈنو رند، قمر پنجوانی، زاہد جوکھیو، ممتاز موندو، قادر ہالو، ڈاکٹر ٹوپن رائے شرما، بابن آشوانی و دیگر بھی ان کے ہمراہ تھے
