متحدہ قومی مومنٹ (ایم کیوایم) پاکستان کی جانب سے وزیراعلیٰ سندھ کی نامزدگی کے لیے نام فائنل کر لیا گیا ہے۔ ترجمان ایم کیو ایم پاکستان کا کہنا ہے کہ پارٹی کی جانب سے علی خورشیدی وزیراعلیٰ سندھ کے امیدوار ہوں گے۔
متحدہ قومی موومنٹ ( ایم کیو ایم ) پاکستان نے وزیر اعلیٰ سندھ کے انتخاب میں حصہ لینے کا فیصلہ کر لیا۔ امتحدہ قومی موومنٹ کی جانب سے مرادعلی شاہ کے مدمقابل امیدوار لانے کا فیصلہ کیا گیا ہے، سندھ اسمبلی میں قائد ایوان کے لئے علی خورشیدی ایم کیو ایم کے امیدوار ہوں گے۔سندھ اسمبلی میں قائد ایوان کا انتخاب کل ہوگا، پیپلزپارٹی کے مراد علی شاہ قائد ایوان کے امیدوار ہیں۔ایم کیو ایم رہنما صادق افتخار نے اپنے بیان میں کہا تھا کہ وزیر اعلیٰ کے انتخاب کے حوالے سے پارلیمانی پارٹی کا اجلاس ہوگا، ہم وزیر اعلیٰ کے انتخاب میں بھرپور حصہ لیں گے۔ذرائع کا کہنا ہے کہ ایم کیوایم کی جانب سے رابطہ کمیٹی کے اجلاس میں وزیر اعلیٰ سندھ کے انتخاب میں حصہ لینے کا فیصلہ کر لیا گیا ہے اور وزارت اعلیٰ کے امیدوار کیلئےعلی خورشیدی کا نام فائنل کیا گیا ہے۔ذرائع کا کہنا ہے کہ علی خورشیدی ایم کیو ایم کے وزیر اعلیٰ سندھ کے امیدوار ہوں گے۔
Leave a reply
