صوبائی وزیر اطلاعات و ثقافت عامرمیر نے مری میں قائم مفت آٹا پوائنٹ کا دورہ کیا اور عوام الناس کو دی جانے والی سہولیات کا جائزہ لیا۔انہوں نے شہریوں سے فری آٹا سکیم کے حوالے سے دریافت کیااور اس موقع پر فرائض سر انجام دینے والے سرکاری ملازمین کو ہدایت کی کہ وہ آنے والے شہریوں سے حسن سلوک سے پیش آئیں اور اس بات کو یقینی بنائیں کہ کم از کم وقت میں آٹے کی فراہمی ممکن ہو۔اس موقع پر صوبائی وزیر عامر میر نے کہا کہ وفاقی اور صوبائی حکومت نے فیصلہ کیا ہے کہ رمضان المبارک کے مقدس مہینے میں عوام الناس کو زیادہ سے زیادہ ریلیف دیا جائے اس مقصد کیلئے حکومت پنجاب کی جانب سے مستحقین میں مفت آٹے کی فراہمی کا آغاز ہو چکا ہے اور ایک اندازے کے مطابق پنجاب کے تقریباََ 10لاکھ افراد اس سکیم سے مستفید ہوں گے۔
انہوں نے کہا کہ اپنی نوعیت کی اس منفرد سکیم سے پہلی دفعہ عوام الناس کو ان کا حق براہ راست دیا جا رہا ہے اور حکومت کی پوری کوشش ہے کہ فری آٹے کی فراہمی کے اس عظیم الشان منصوبے کو کامیاب اور شفاف بنایا جائے اس مقصد کیلئے پی آئی ٹی بی کے تعاون سے ایک ایپ بنائی گئی ہے۔انہوں نے عوام الناس کو ہدایت کی کہ وہ 8070پر میسج کر کے فری آٹے کیلئے اپنی اہلیت کو چیک کریں اور تصدیقی میسج وصول ہونے کے بعد مخصوص پوائنٹس پر جا کر فری آٹا حاصل کریں۔انہوں نے واضح کیا کہ بینظیر انکم سپورٹ پروگرام میں رجسٹر ڈ تمام شہری فری آٹا کے حصول کے لیے اہل ہیں۔اسی طرح وہ تمام لوگ جن کی آمدنی 60ہزار سے کم ہے وہ بھی تصدیقی میسج کے بعد حکومت کی جانب سے دی جانے والی سہولت سے فائدہ اٹھا سکیں گے۔ عامر میر نے مزید کہا کہ فری آٹے کی فراہمی پنجاب بھر میں قائم یوٹیلٹی سٹورز، ٹرکنگ پوائنٹس،بڑے کریانہ سٹورز اور دیگ مقامات پر جاری ہے۔جہاں پہلے فیز میں آنے والے شہریوں کو 10کلو آٹے کا تھیلہ مفت فراہم کیا جا رہا ہے۔ بعد ازاں ہر دس دن بعد 10,10کلو کے مزید دو تھیلے بھی مفت فراہم کیے جائیں گے اور مفت آٹے کی فراہمی کا یہ سلسلہ 25رمضان المبارک تک جاری رہے گا۔
مفت آٹے کی ذلت آمیز دستیابی نے نااہلی کے پول کھول دیے، خالد مسعود
