توشہ خانہ ٹو کیس میں عمران خان اور بشری بی بی کا 342 کا اہم جواب سامنے آگیا
کورٹ رپورٹ ثاقب بشیر کی جانب سے ایکس پر کی گئی پوسٹ کے مطابق عمران اور بشریٰ نے اپنے جواب میں کہا کہ 2018 توشہ خانہ پالیسی کے مطابق تحفے سے متعلق صرف رپورٹ نا کرنے پر قانون کے مطابق ایکشن لیا جا سکتا ہے ملٹری سیکرٹری نے مجھ سے پوچھ کر رپورٹ کیا پھر بلغاری سیٹ کی توشہ خانہ رولز کے مطابق قیمت 59 لاکھ روپے لگوائی جس کی آدھی قیمت 29 لاکھ دیکر قانون کے مطابق تحفہ ہم نے اپنے پاس رکھا ایف آئی اے کے دائرہ اختیار سے متعلق توشہ خانہ رولز مکمل خاموش ہیں انعام اللہ شاہ کو کبھی نہیں کہا کہ صہیب عباسی پر پریشر ڈال کر کم قیمت لگوائے اگر فرض کریں انعام اللہ شاہ نے مئی 2021 میں مجھے اتنا فائدہ (پراسیکوشن کے مطابق تین ارب 20 کروڑ کا) پہنچایا ہوتا تو جولائی 2021 میں اس کو بدنیتی کی بنیاد پر دوہری تنخواہ 70 ہزار لینے پر برطرف کیوں کرتا ؟ وہ جہانگیر ترین کا ٹول تھا جس نے توشہ ون 2023 میں گواہی دیتے ہوئے بلغاری سیٹ کی بھی قیمت کم لگوانے کا کہیں ذکر نہیں نا ہی صہیب عباسی نے ذکر کیا تھا اب توشہ خانہ ٹو میں آکر دونوں یہ بیانات بھی دے رہے ہیں کہ میرے کہنے پر قیمت کم لگوائی ہے پھر اٹلی سے نیب کے قیمت کا تخمینہ تقریبا 7 کروڑ جو لگوایا وہ تو اب نیب ترمیم ہو چکی نیب کا تو دائرہ اختیار ہی نہیں بنتا وہ کیسے لگوا سکتے ہیں اور چیئرمین نیب نے بھی وعدہ معاف گواہ صہیب عباسی کی معافی کو بغیر اختیار کے ہی منظور کر لیا ابھی تک 300 کے قریب من گھڑت کیسز بنائے جا چکے مجھے اور میری بیوی کو سیاسی انتقام کا نشانہ بنایا جا رہا ہے ”
