چارسدہ: مولانا فضل الرحمان نے کہا ہے کہ اسلام کے نام پر حاصل کیے گئے پاکستان میں لوگ اسلام کا مذاق اُڑا رہے ہیں، ہم نے بالادست قوتوں کو محبت سے سمجھایا ہے، شرافت سے ہماری بات مان لو۔
باغی ٹی وی : چارسدہ میں خطاب کرتے ہوئے جمعیت علمائے اسلام کے سربراہ مولانا فضل الرحمان نے کہا کہ اسلام کے نام پر حاصل کیے گئے پاکستان میں لوگ اسلام کا مذاق اُڑا رہے ہیں، مسلمان کا خون مسلمان پر حرام ہے ہمارے حکمرانوں اور سیاست دانوں نے مذہب اسلام کےساتھ بہت ظلم کیا ہے یہ ملک کسی کےباپ کی جاگیرنہیں، صنعت کار، جاگیردار، بیوروکریٹس اور عام پاکستانی کی ایک حیثیت ہے۔
مولانا فضل الرحمان نے کہا کہ پاکستان اسلام کے نام پر بنا ہے جس کے لیے لاکھوں مسلمانوں نے قربانیاں دیں اس ملک کے ساتھ صرف علمائے کرام نے وفاداری کی ہے ہم اس پاکستان میں امن چاہتے ہیں ہم نے دلیل اور محبت سے بالادست قوتوں کو سمجھایا ہے۔ جھوٹ موٹ اور دھاندلی کے الیکشن سے حسینہ واجد بھی جیتی تھی شرافت سے ہماری بات مان لو۔
190 ملین پاؤنڈ کیس کے فیصلے پر بانی پی ٹی آئی ذرا بھی پریشان نہیں، شیخ رشید
انہوں نے کہا کہ ہم نے ختم نبوت کے عقیدے کا تحفظ کی ،مدارس پر ہر طرف سے حملے شروع ہو چکے ہیں مدارس کے خلاف عالمی سازشیں ہو رہی ہیں دنیا چاہتی ہے کہ مدارس کا سلسلہ ختم ہو جائے جب کہ عالمی اسٹیبلشمنٹ کی سازشوں کے باوجود مدارس مزید مضبوط ہو رہےہیںمدارس ختم کرنے کی خواہش اور سازش انگریز وں کی بھی تھی اللہ تعالیٰ نے اسلام کو ہمارے لیے نظام حیات بنایا ہے۔
سربراہ جے یو آئی نے کہا کہ اگر26 ویں آئینی ترمیم حکومت کی خواہش پر پاس ہوتی تو بڑی تباہی آتی حکومت کا آئینی مسودہ پارلیمنٹ اورانسانی حقوق کے لیے بہت بڑا خطرہ تھا۔ اس میں فوجی عدالتوں کو مضبوط کیا گیا اعلیٰ عدالتوں کے اختیارات محدود کیے گئے تھے ہمارا ملک سرتاپا سود میں ڈوبا ہوا ہے سارے ادارے اور بینک سودی نظام پر چل رہے ہیں اس ڈمی اسمبلی میں بیٹھنے کی ہمیں کوئی خواہش نہیں لوگ ووٹ کسی کو ڈالتے ہیں اور کامیاب کوئی اور ہوتا ہے۔
چیمپئنز ٹرافی:بھارت نے 15 رکنی اسکواڈ کا اعلان کردیا
انہوں نے کہا کہ ہمارے وسائل پر ہما را اختیار ہے یہ وسائل کسی کا باپ بھی ہم سے نہیں چھین سکتا خیبر پختونخوا میں امن و امان یا حکومت نام کی کوئی چیز نہیں مضبوط حکومت کے بغیر ملک نہیں چل سکتا معیشت کے اشاریوں سے قوم کو بے وقوف نہیں بنایا جا سکتا نااہل حکمران بتائیں کہ کیا الٰہ دین کا چراغ ملا ہے؟ حکومت معیشت کی بہتری کے دعوے کرتی ہے تو بتائیں کہ وسائل کہاں سے آئے۔
