واشنگٹن: سابق امریکی صدر ڈونلڈ ٹرمپ نے صدر منتخب نہ ہو نے پر خون ریزی کی دھمکی دی ہے-
باغی ٹی وی : امریکی میڈیا کے مطابق ریاست اوہائیو میں ریلی سے خطاب میں ڈونلڈ ٹرمپ نے صدارتی انتخابات کی تاریخ 5 نومبر کو تاریخی اور اپنی انتخابی مہم کو امریکا کےلیےاہم موڑ قرار دیا، سابق صدر ٹرمپ نےخون ریزی سےمتعلق بیان امریکی آٹو انڈسٹری کو لاحق خطرات سے متعلق تبصروں کے درمیان دیا۔
ٹرمپ کا میکسیکو میں گاڑیاں بنا کر امریکیوں کو فروخت کرنے کے چینی منصوبے پر تنقید کرتے ہوئے کہنا تھا کہ اگر میں منتخب ہو گیا تو ایک ایک گاڑی پر سو فیصد ٹیکس لگاؤں گا اور پھر چین ان گاڑیوں کو امریکا میں فروخت کرنے کے قابل نہیں رہے گا اور اگر میں منتخب نہیں ہوا تو یہ سب کے لیے خون ریز ثابت ہوگا، یہ پورے ملک کے لیے خون ریز ثابت ہوگا لیکن چین ان گاڑیوں کو فروخت نہیں کر سکے گا۔
