وزیر اعظم شہباز شریف کا ملک میں تعلیمی ایمرجنسی لگانے کا فیصلہ

اسلام آباد میں شعبہ تعلیم سے متعلق قومی کانفرنس سے خطاب کرتے ہوئے وزیراعظم شہبازشریف نے کہا کہ تعلیم کے بغیر کسی قوم کی ترقی ممکن نہیں، شعبہ تعلیم میں اصلاحات کے لیے کوشاں ہیں، بچوں کا اسکولوں سے باہر ہونا تشویشناک ہے۔وزیر اعظم شہباز شریف نے ملک بھر میں تعلیمی ایمرجنسی نافذ کرنے کا اعلان کردیا اور کہا کہ تعلیم کے بغیر کوئی قوم ترقی نہیں کرسکتی، پاکستان میں 2 کروڑ 60 لاکھ بچوں کا اسکول نہ جانا بڑا چیلنج ہے، قائدا عظم نے فرمایا تھا قوم کے لیے تعلیم زندگی اور موت کا مسئلہ ہے، پاکستان چیلنجز پر قابو پا کر ایٹمی قوت بنا۔وزیراعطم کا کہنا تھا کہ آج ایک انتہائی اہم تقریب یہاں ہو رہی ہے، پاکستان میں 2 کروڑ 60 لاکھ بچے اسکول نہیں جاتے، بچوں کا اسکول نہ جانا بڑا چیلنج ہے، بچوں کی غذائی کمی بھی بڑا چیلنج ہے، قوم کی ترقی تعلیم سے جڑی ہے۔
شہباز شریف نے مزید کہا کہ اسٹنٹنگ ایک بہت بڑا مسئلہ ہے پاکستان کا، مالی وسائل تعلیم کے فروغ کے لیے ضروری ہے اور اس کا مسئلہ بھی درپیش ہے لیکن سب سے بڑا چیلنج ان اہداف کو حاصل کرنے کے لیے حوصلے کا ہونا ہے۔بچوں میں غذائی کمی ایک بڑا چیلنج ہے،پاکستان چیلنجز پر قابو پا کر ایٹمی قوت بنا،پاکستان نے دہشتگردی کیخلاف جنگ میں 80ہزار جانوں کا نذرانہ پیش کیا۔ پاکستانی قوم اپنے عزم اور حوصلے سے کسی بھی چیلنج پر قابو پانے کی صلاحیت رکھتی ہے۔شہبازشریف کامزیدکہناتھاکہ قائداعظم نے فرمایا کہ تعلیم قوم کیلئے زندگی اور موت کا مسئلہ ہے،بطور وزیراعلیٰ پنجاب بچوں کیلئے تعلیمی وظائف اور یونیفارم کا بندوبست کیا،پنجاب میں برطانوی حکومت کے تعاون سے ووکیشنل انسٹیٹیوٹ قائم کئے، 2008سے 2018 کے درمیان پنجاب میں تعلیم کے شعبے میں بڑے پیمانے پر اقدامات کئے،پنجاب ایجوکیشن انڈومنٹ فنڈ کا قیام عمل میں لایا گیا،بچوں سے مشقت کرانے والے والدین کو تعلیم کیلئے رقم دی۔