کوٹ مومن: امیر جماعت اسلامی پاکستان سراج الحق کا کہنا ہے کہ ملکی معیشت کی تباہی کے ذمہ دار دو خاندان ہیں، اگر 3 بار رہ کر نوکریاں نہ دےسکے تو آج لوگ پی پی،ن لیگ کے جھانسےمیں آنے والے نہیں-
باغی ٹی وی : کوٹ مومن میں جلسے سے خطاب میں انہوں نے کہا کہ ملکی معیشت کی تباہی کے یہی دو خاندان ذمہ دار ہیں، آج لوگ پی پی،ن لیگ کے جھانسےمیں آنے والے نہیں،آج یہ پھر حکمرانی کرنے کے لیے آگئے ہیں شہزادہ کہتا ہے میرے نانا اور والدہ وزیراعظم تھیں تو میں بھی بنوں گا، قوم ن لیگ اور پی پی کے جھانسے میں آنے والی نہیں۔
سراج الحق نے کہا کہ ملک میں 2 خاندانوں نے اداروں، کسانوں، مزدوروں کو نقصان پہنچایا، آج ہر پاکستانی ان ہی کی وجہ سے مقروض ہے،آج یہ کہتے ہیں ہمیں وزیراعظم بنادو،1 کروڑ نوکریاں دیں گے، یہ 3 بار وزیراعظم بننے کے بعد تو نہ دے سکے، اب کہاں سے دیں گے، سندھ میں تعلیمی اداروں کی صورتحال افسوسناک ہے، لیکن وہ لوگ جان لیں پاکستان شہزادوں کا نہیں عوام کا ہے،قرض اتارو اسکیم کا جو پیسہ آیا تھا وہ کہاں گیا؟ پاکستان کو نوازشریف کی نہیں، امن، روزگار اور ترقی کی ضرورت ہے۔
