پنجاب کے شہر ٹوبہ ٹیک سنگھ میں کاونٹر ٹیرارزم ڈیپارٹمنٹ سی ٹی ڈی نے کاروائی کرتے ہوئے 2 دہشت گردوں کو گرفتار کر لیا
باغی ٹی وی کی رپورٹ کے مطابق سی ٹی ڈی نے پنجاب کے شہر ٹوبہ ٹیک سنگھ میں کاروائی کرتے ہوئے 2 دہشت گردوں کو گرفتار کر لیا، جن کے قبضے سے بارودی مواد، دو دستی بم، اسلحہ سمیت دیگر اشیاء بھی برآمد ہوئیں. سی ٹی ڈی کی جانب سے جاری اعلامئے کے مطابق گرفتار ہونے والے دہشت گردوں کا تعلق کالعدم تنظیم سے ہے، سی ٹی ڈی حکام کا کہنا ہے کہ دہشت گردوں کا ٹارگٹ سیکورٹی ادارے تھے، بروقت گرفتاری سے شہر کو بڑے نقصان سے بچا لیا گیا.
واضح رہے کہ گزشتہ روز بھی سی ٹی ڈی نے ملتان سے تین دہشت گرد گرفتار کئے تھے جن کا تعلق کالعدم تنظیم سے تھا.
