پاکستان سپر لیگ 10 کے ساتویں میچ میں اسلام آباد یونائیٹڈ نے ملتان سلطانز کو 47 رنز سے شکست دے کر مسلسل تیسری جیت اپنے نام کر لی۔
اسلام آباد یونائیٹڈ نے پہلے کھیلتے ہوئے مقررہ 20 اوررز میں 202 رنز بنائے جبکہ ہدف کے تعاقب میں ملتان سلطان 19ویں اوورز میں 155 رنز بنا کر آل آؤٹ ہوگئی۔اسلام آباد کی جانب سے جیسن ہولڈر 4 وکٹوں کے ساتھ سب سے کامیاب باؤلر رہے اور عماد وسیم نے 2 کھلاڑیوں کو آؤٹ کیا جبکہ نسیم شاہ، میرٹھ، شاداب خان اور محمد شہزاد نے ایک ایک وکٹ حاصل کی۔
ملتان سلطانز نے اسلام آباد یونائیٹڈ کے خلاف ٹاس جیت کر بولنگ کا فیصلہ کیا۔اسلام آباد کی جانب سے اوپنرز نے ایک بار شاندار کارکردگی کا مظاہرہ کیا، صاحبزادہ فرحان نے نصف سنچری اسکور کی جب کہ کولن منرو 48 رنز بنانے کامیاب ہوئے۔اننگز کے آخری اوورز میں حیدر علی اور ہولڈر نے بالترتیب 33 اور 32 رنز کی جارحانہ اننگز کھیلی۔ملتان کے جورڈن نے دو جب کہ ولی، حسنین، عبید اور اسامہ میر نے ایک ایک کھلاڑی کو آوٹ کیا۔
ٹاس کے بعد گفتگو میں محمد رضوان نے کہا کہ موقع کی مناسبت سے ٹاس جیت کر بولنگ کا فیصلہ کیا ہے۔ملتان سلطانز کی فائنل الیون میں محمد رضوان ، شائے ہوپ، عثمان خان، افتخار احمد، کامران غلام، مائیکل بریسویل، ڈیوڈ ویلی، کرس جورڈن، اسامہ میر، عبید شاہ اور محمد حسنین شامل ہیں۔
کرپشن کرنے پرسابق صدر کو اہلیہ سمیت لمبی سزا
پاکستان کو کویت نے تیل کریڈٹ سہولت میں توسیع دیدی
موٹروے پر اجتماعی زیادتی ،مرکزی ملزم پولیس کے ہاتھوں ہلاک
اختر مینگل کی بی این پی نے 20 روز سے جاری دھرنا ختم کردیا
