سیالکوٹ،باغی ٹی وی (ویب نیوز) ہسپتال میں زیرعلاج خطرناک ملزم اپنے ساتھیوں کی مدد سے فرار، مزاحمت پرپولیس اہلکارپر تشدد
سیالکوٹ کے سرکاری ہسپتال (گورنمنٹ علامہ اقبال ہسپتال) میں زیرعلاج ملزم اللہ رکھا اپنے ساتھیوں کی مدد سے فرار ہونے میں کامیاب ہوگیا۔
ملزم کی وہ ہتھکڑی جسے توڑ کر ملزم فرار ہوگیا
ڈکیتی کے الزام میں گرفتار ملزم کی نگرانی پر ایک پولیس اہلکار (عاصم) تعینات تھا، جسے ملزم کے ساتھیوں نے وارڈ میں ہی یرغمال بنایا اور مزاحمت پر تشدد کا نشانہ بھی بنایا۔
زخمی پولیس اہلکار عاصم بیان دیتے ہوئے
ذرائع کے مطابق زیر علاج ملزم اللہ رکھا کے 2 مسلح ساتھی تھے، جنہیں دیکھ کر ہسپتال کے سیکیورٹی گارڈ بھاگ نکلے، اور ملزمان آرام سے فرار ہونے میں کامیاب ہوگئے۔
واضح رہے کہ ڈکیتی کے ملزم کو زخمی حالت میں گرفتار کیا گیا تھا، اور وہ ہسپتال میں زیرعلاج تھا، جب کہ ملزم پولیس تھانہ حاجی پورہ کی حراست میں تھا۔
سیالکوٹ :ہسپتال میں زیرعلاج خطرناک ملزم اپنے ساتھیوں کی مدد سے فرار، مزاحمت پرپولیس اہلکار پر تشدد
