اوکاڑہ :دیپالپور بلدیہ اور سول سوسائٹی کی جانب سے پاک فوج کے حق میں ریلی

اوکاڑہ، باغی ٹی وی( نامہ نگار ملک ظفر) دیپالپور بلدیہ اور سول سوسائٹی جانب سے افواج پاک کی حمایت میں ریلی کا انعقاد کیا گیا ریلی میں بلدیہ ملازمین اور شہریوں کی بڑی تعداد شریک ھوئی ریلی کے شرکإ نے ہاتھوں میں پینافیلکس و قومی پرچم اٹھائے ہوئے تھے
ریلی کے شرکاء پاکستان زندہ ،آباد پاک فوج زندہ آباد نعرے بازی کرتے رہے، ریلی کے شرکاء کا کہنا تھا کہ پاک فوج کی بدولت ہمارے ملک کی سرحدیں محفوظ ہیں اور ہم سکون کی نیند سوتے ہیں سیلاب ہویا زلزلہ پاک فوج عوام کی حفاظت اور مدد کیلئے ہر وقت موجود رہتی ہے انہوں نے مزید کہا کہ ہم افواجِ پاک کیساتھ شانہ بشانہ کھڑے ہیں اور کھڑے رہیں گے۔ پاک فوج اور پاکستان کے عوام ایک صف میں ہیں یہ ہماری فوج ہے اور ہر پاکستانی کا دل اپنے وطن کے دفاعی اداروں کے لے دھڑکتا ہے-