گوجرانوالا: بجلی کے بل پر جھگڑا، بھائی کے ہاتھوں بھائی قتل

گوجرانوالہ،باغی ٹی وی (نامہ نگارمحمدرمضان نوشاہی) بجلی کے بل کی عدم ادائیگی پر دو بھائیوں میں جھگڑا ہوا، جھگڑے کے دوران ایک بھائی نے دوسرے کا قتل کردیا۔بڑے بھا ئی نے تیز دھار آلے سے چھوٹے بھا ئی کی شہ رگ کا ٹ ڈالی۔

پرنس روڈ کے رہا ئشی مرتضی کا اپنے بھا ئی کے ساتھ گھر کا بجلی کا بل ساڑھے 30 ہزار آنے پر کئی روز سے جھگڑا چل رہا تھا۔

اہلخانہ کے مطابق آج بھی دونوں بھائیوں کے درمیان تلخ کلامی ہو ئی توعمرفاروق نے بڑے کوکہا کہ نشہ چھوڑواوربجلی بل میں حصہ دو جس پرملزم مرتضی نے تیز دھار آلے سے چھوٹے بھائی عمر کی شہ رگ کا ٹ کر اسے قتل کر دیا۔

فوٹیج میں مقتول کو زمین پر گرتے بھی دیکھا جا سکتا ہے دونوں بھائیوں کے جھگڑے کے دوران بہن بیچ بچاو کرواتی رہی۔

واقعہ کی اطلاع ملنے پر پولیس نے لاش کو پوسٹ مارٹم کے لیے اسپتال منتقل کر دیاپولیس کے مطا بق ملزم مرتضی کا اپنے بھائی کے ساتھ بجلی کا بل زیادہ آنے پرجھگڑاہوا تھا۔

پولیس تھانہ گرجاکھ نے مقتول کی بیوی ماہ نور کی مدعیت میں مقدمہ درج کر کے ملزم مرتضی کو نواحی علاقہ ڈھکی اشفاق سے گرفتار کر لیا ہے