فلم ،مرڈر، میں کام کرنے کیوجہ سے میرے کردار پر تہمت لگائی گئی ملکہ شراوت

0
91
فلم ،مرڈر، میں کام کرنے کیوجہ سے میرے کردار پر تہمت لگائی گئی ملکہ شراوت

بالی ووڈ کی معروف اداکارہ ملکہ شراوت کا کہنا ہے کہ ان کی باکس آفس پر سپر ہٹ فلم مرڈر میں کیے گئے ان کے بولڈ سین پر انھیں اخلاقی طور پر تقریباً قتل ہی کردیا گیا تھا۔

باغی ٹی وی : بھارتی میڈیا کے مطابق ایک انٹرویو میں بالی ووڈ کی بولڈ اداکارہ ملکہ شراوت کا کہنا تھا کہ مرڈر فلم میں بولڈ سینز کی وجہ سے انہیں کافی تنقید کا سامنا رہا تھا تاہم اب فلم بینوں کے خیالات اداکاروں کے حوالے سے بدل رہے ہیں ان میں تبدیلی آرہی ہے۔

بالی ووڈ اداکارہ نے کہا کہ افلم مرڈر میں کام کے بعد ان کے کردار پر تہمت لگائی گئی، اور انھیں ایک گری ہوئی عورت کی نظر سے دیکھا گیا۔

بھارتی میڈیا سے گفتگو کرتے ہوئے ملکہ شراوت کا مزید کہنا تھا کہ جو کام میں نے 2003 اور 2004 میں بالترتیب فلم ،خواہش، اور ،مرڈر، میں کیا وہ چیز آج ہماری فلموں میں عام ہیں اور اب ہمارے لوگوں کے خیالات میں بھی بدلاؤ آیا ہے اور ہمارا سنیما بھی تبدیل ہوا ہے۔

واضح رہے کہ ملکہ شراوت نے 2003 میں اپنے فلمی کیریئر کا آغاز فلم، خواہش، میں لیڈ رول سے کیا تھا تاہم 2004 میں انہوں نے ،مرڈر، میں کام کیا، یہ دونوں فلمیں بولڈ سینز کے حوالے سے جانی جاتی ہیں اور ملکہ کا تاثر ان فلموں میں کام کی وجہ سے بولڈ اداکارہ کا بن گیا تھا-

Leave a reply