سیالکوٹ ،باغی ٹی وی (بیوروچیف شاہد رہاض سے)قتل کے مقدمہ کا انتہائی مطلوب اشتہاری ملزم” باکو” آذربائیجان سے گرفتار
تفصیلات کے مطابق ملزم اشتہاری ذیشان نواز نے پانچ سال قبل 2019 میں تھانہ کوتوالی کے علاقہ پیرس روڈ پر ایڈوکیٹ ساجد محمود دھدرا کو فائرنگ کر کے قتل کر دیا اور بیرون ملک فرار ہوگیا تھا.
ڈی پی او سیالکوٹ محمد حسن اقبال کی خصوصی ہدایت پر ملزم کے ریڈوارنٹ جاری ہوئے اور سپیشل ٹیم کی مدد سے ملزم ذیشان نواز کو بیرون ملک آذربائیجان (باکو) سے گرفتار کر لیا ہے.
انسپکٹر جنرل پولیس پنجاب ڈاکٹر عثمان انور کی ہدایات کی روشنی میں پنجاب بھر میں بیرون ملک فرار ملزمان اشتہاریوں کی گرفتاری یقینی بنانے کیلیے بھرپور مہم جاری ہے.
ڈی پی او سیالکوٹ نے کہا کہ مظلوم کی دادرسی اور قانون کی بالادستی کو یقینی بنانے کیلیے ملزمان اشتہاریوں کی گرفتاری ضروری ہے اس سسلہ میں کوئی کسر اٹھا نہیں چھوڑی جائیگی.
