مریدکے میں قانون نافذ کرنے والے اداروں کی کارروائی ، انتشار پسند گروہ کو منتشر کر دیا
جب منتشر کرنے کی کارروائی شروع ہوئی تو تحریک لبیک پاکستان ے کارکنوں نے پتھراؤ، کیل دار ڈنڈوں اور پیٹرول بموں کا استعمال کیا۔ بعد ازاں انہوں نے اندھا دھند فائرنگ کی، جس کے نتیجے میں شہریوں اور قانون نافذ کرنے والے اہلکاروں کو جانی نقصان پہنچا۔قانون نافذ کرنے والے اداروں کو اپنی جان کے دفاع میں محدود کارروائی کرنا پڑی۔
کاروائی کے دوران ایک ایس ایچ او شہید ہو گیا،تھانہ صدر مریدکے کے ایس ایچ او محمد شہزاد گولیاں لگنے سے شہید ہو گئے ۔ 48 اہلکار زخمی ہوئے جن میں سے 17 کو گولی لگی،3 مظاہرین جبکہ ایک راہ گیر کی موت ہوئی، 8 شہری زخمی ہوئے،اس کے علاوہ انتشار پسند گروہ نے چالیس سرکاری اور پرائیویٹ گاڑیوں کو آگ لگا دی،قانون نافذ کرنے والوں نے متعدد انتشار پسند لوگوں کو گرفتار کر لیا ،سرچ آپریشن جاری ہے،
