پنجاب میں مزید بارشیں ہونگی، پی ڈی ایم اے نے الرٹ جاری کر دیا۔

پی ڈی ایم اے کی جانب سے کہا گیا ہے کہ محکمہ موسمیات کے مطابق 27 جولائی سے مون سون ہوائیں زیادہ شدت کے ساتھ ملک کے بالائی اور وسطی علاقوں میں داخل ہونگی۔ جس کے باعث 27 سے31 جولائی کے دوران راولپنڈی، مری ، اٹک، چکوال، جہلم، سیالکوٹ، نارووال، لاہور، گوجرانوالہ،گجرات، شیخوپورہ، فیصل آباد، جھنگ ، میانوالی، خوشاب، سرگودھا، حافظ آباد، منڈی بہاؤالدین،ساہیوال ، اوکاڑہ ، بھکر، لیہ، ملتان، راجن پور، ڈیرہ غازی خان، بہاولپور، بہاولنگر، رحیم یار خان اورخانپور میں تیز ہواؤں اور گرج چمک کے ساتھ مزید بارش اور کہیں کہیں وقفے سے موسلادھار بارش کا بھی امکان ہے۔

سندھ اور بلوچستان میں پاک آرمی کا ریلیف آپریشن جاری

پی ڈی ایم اے کے مطابق 27 سے31 جولائی کے دوران موسلادھار بارش کے باعث راولپنڈی، فیصل آباد،لاہور اور گوجرانوالہ میں نشیبی علاقے زیر آب آنے کا خطرہ ہے۔27 سے 31 جولائی کے دوران موسلا دھار بارش کے باعث راولپنڈی، سیالکوٹ، نارووال اور ڈیرہ غازی خان کے پہاڑی اور مقامی ندی نالوں میں طغیانی کا شدید خطرہ ہے۔

پی ڈی ایم اے کا مزید کہنا ہے کہ موسلادھار بارش کے باعث دریائے راوی، جہلم اور چناب کے مقامی اور برساتی ندی نالوں میں پانی کے بہاؤ میں اضافے کی توقع ہے۔

کوہ سلیمان کے رودکوہی نالے بپھرنے لگے، ریلیف کیمپس قائم

پی ڈی ایم اے کے مطابق مری میں لینڈ سلائیڈنگ کا خطرہ بھی موجود ہے، مسافراورسیاح موسمی حالات کو مدنظر رکھ کر سفر کریں۔ ہنگامی صورتحال سے نمٹنے کے لیے پنجاب کی ضلعی انتظامیہ کو الرٹ جاری کر دیا گیا ہے کہ وہ اپنے انتظامات کو مکمل رکھیں اور تیار رہیں۔شہری گھروں کی چھتوں پر پانی کھڑا نہ ہونے دیں،گاڑیاں نشیبی علاقوں میں ہرگز کھڑی نہ کی جائیں۔

سندھ اور بلوچستان کے درمیان زمینی رابطہ منقطع نہیں ہوا. این ایچ اے

پی ڈی ایم اے کے مطابق بچوں کو برقی آلات سے دور رکھیں، دریاوں اور نہروں میں نہانے سے پرہیز کریں۔