کراچی: ایئرپورٹ سیکیورٹی فورس (اے ایس ایف) کے عملے نے جناح انٹرنیشنل ایئرپورٹ سے مسافر سے ڈالرز اور سونا برآمد کر لیا-
باغی ٹی وی : تفصیلات کے مطابق مسافر راحیل بنکاک جا رہا تھا مسافر سے 1 لاکھ 15 ہزار امریکی ، 31 ہزار کینیڈین ڈالر اور 50 گرام سونا برآمد ہوا،مسافر سے نے یہ تمام نقدی اور سونا اپنے بیگ میں مہارت سے چھپا رکھا تھا تاہم اے ایس ایف کےعملے نےسامان کی تلاشی کے دوران نقدی اور سونا برآمد کرکے منی لانڈرنگ کی کوششں ناکام بنا دی۔
دوران ڈکیتی زنا باالجبر کرنیوالا سات رکنی گینگ گرفتار
مذکورہ نقدی اور سونے کی پاکستانی روپوں میں مالیت 3 کروڑ اور 26 لاکھ روپے سے زیادہ ہے، ملزم کو ابتدائی تفتیش کے بعدبرآمد شدہ نقدی اور سونے سمیت مزید قانونی کارروائی کے لئے کسٹمز حکام کے حوالے کر دیا گیا ہے-
دوسری جانب پاک بحریہ، میری ٹائم سیکیورٹی ایجنسی اور کسٹم نے کھلے سمندر میں مشترکہ کارروائی کرتے ہوئے 1450 کلو گرام منشیات ضبط کرکے 12 اسمگلرز کو گرفتار کیا تھا ہیڈ کواٹرز میری ٹائم سکیورٹی ایجسنی میں ڈپٹی ڈی جی میری ٹائم سکیورٹی ایجنسی کموڈور عامر اقبال اور ایڈیشنل کلکٹر کسٹم علی رضا سپرا نے مشترکہ پریس کانفرنس میں بتایا کہ پاک بحریہ، پی ایم ایس اے اور کسٹمز انفورسمنٹ نے شمالی بحیرہ عرب میں گوادر کے قریب انٹیلیجنس اطلاع کی بنیاد پر ایک مشترکہ آپریشن کیا۔
سی ٹی ڈی کی کاروائی،لاہور سمیت کئی شہروں سے مشتبہہ دہشتگرد گرفتار
آپریش کے دوران منشیات کی بھاری مقدار ضبط کرلی گئی، کامیاب مشترکہ کارروائی کے دوران پکڑی گئی منشیات میں 586 کلو گرام آئس کرسٹل اور 864 کلو گرام ہیروئن شامل ہے، جس کی مالیت بین الاقوامی منڈی میں تقریباَ 15 ارب روپے ہے۔سمندری آپریشن کے دوران 12 اسمگلرز کو بھی گرفتارکیا گیا ہے، حالیہ کارروائی میں تحویل میں لی گئی منشیات سابقہ 7 کارروائیوں کے برابر ہے۔
ایڈیشنل کلکٹر کسٹم علی رضا سپرا کا کہنا تھا کہ مذکورہ منشیات افغانستان سے پاکستان اسمگل کی گئی، جب کہ اسے سمندری راستے سے بیرون ممالک اسمگل کیا جانا تھا۔ڈپٹی ڈی جی میری ٹائم سیکیورٹی ایجنسی عامر اقبال کا کہنا تھا کہ گرفتارمنشیات فروشوں کو قانونی کاروائی کے لیےکسٹم حکام کے حوالے کر دیا گیا ہے۔
