بلوچستان کے ضلع بارکھان میں ایک افسوسناک واقعہ پیش آیا، جہاں دہشت گردوں نے ایک مسافر بس کو روکا اور سات مسافروں کو شناختی کارڈ چیک کرنے کے بعد بس سے اتار کر بے رحمی سے قتل کردیا۔ یہ واقعہ رات گئے رڑکن کے علاقے میں پیش آیا، جہاں کوئٹہ سے فیصل آباد جانے والی بس پر دہشت گردوں نے حملہ کیا۔
پولیس حکام کے مطابق، مسافر بس کو روک کر دہشت گردوں نے شناختی کارڈ چیک کیے اور سات افراد کو بس سے اتار کر قتل کردیا۔ ان کے خلاف سی ٹی ڈی لورالائی تھانے میں مقدمہ درج کر لیا گیا ہے۔ ایس ایچ او سی ٹی ڈی لورالائی کی مدعیت میں قتل اور انسداد دہشت گردی کی دفعات کے تحت نامعلوم افراد کے خلاف ایف آئی آر درج کی گئی ہے۔اب تک واقعے میں ملوث کسی ملزم کی گرفتاری عمل میں نہیں آئی ہے، تاہم پولیس تحقیقات میں مصروف ہے۔ اس واقعہ کے بعد علاقے میں خوف و ہراس پھیل گیا ہے، اور مقامی حکام نے سخت کارروائی کا عندیہ دیا ہے۔
اپووا کانفرنس سیالکوٹ کا احوال.تحریر:ایم ایم علی
