بھارتی ریاست اُتر پردیش کے علاقے رام نگر میں مبینہ طور پر دو مسلم نوجوانوں کے قتل کی ویڈیو سوشل میڈیا پر وائرل ہو گئی ہے۔
باغی ٹی وی کے مطابق ویڈیو میں ایک انتہا پسند ہندو شخص کو یہ کہتے ہوئے سنا جا سکتا ہے کہ ’’دو کٹویں مارے گئے ہیں‘‘، جب کہ خود کو ’چھتری ورچہ دل‘ نامی تنظیم سے منسلک قرار دیتے ہوئے اس واقعے کی ذمہ داری بھی قبول کی گئی ہے۔ویڈیو میں مذکورہ شخص مزید کہتا ہے کہ "بھارت ماتا کی سوگند، چھبیس کا بدلہ چھببیس سو سے نہ لیا تو میں بھارت ماتا کا پتر نہیں۔” ویڈیو کے اختتام پر ’جئے شری رام‘ اور ’جئے ہندو راشٹر‘ کے نعرے بھی لگائے جاتے ہیں۔
یہ ویڈیو سوشل میڈیا پر شدید تشویش کا باعث بنی ہے اور اس کے بعد مختلف حلقوں کی جانب سے واقعے کی مذمت کی جا رہی ہے۔ انسانی حقوق کی تنظیموں نے بھارتی حکومت سے مطالبہ کیا ہے کہ اس واقعے کی فوری اور شفاف تحقیقات کر کے ذمہ داروں کو قانون کے کٹہرے میں لایا جائے۔
واضح رہے کہ بھارت میں حالیہ برسوں کے دوران مذہبی اقلیتوں، خصوصاً مسلمانوں کے خلاف انتہاپسندانہ کارروائیوں میں نمایاں اضافہ دیکھنے میں آیا ہے۔
پہلگام حملے میں افغانستان میں چھوڑا امریکی اسلحہ استعمال ہونے کا دعویٰ
