ایم کیو ایم پاکستان کے سینئر رہنما و وفاقی وزیر صحت مصطفی کمال نے صوبہ سندھ کی وزیر صحت عذرا پیچوہو سے ملاقات کرتے ہوئے کہا کہ کوشش کر رہے ہیں تمام صوبوں کو ساتھ لے کر چلیں.
باغی ٹی وی کے مطابق کراچی میں ہونے والی ملاقات میں مصطفی کمال کا کہنا تھا کہ تکلیف میں مبتلا عوام کو ریلیف دے سکیں اس سلسلے میں ہم نادرہ کے جاری کردہ شناختی کارڈ نمبر کو ہی میڈیکل ریکارڈ نمبر بھی بنا رہے ہیں جس سے ناصرف مریضوں کا میڈیکل ریکارڈ محفوظ ہوگا بلکہ ہمیں بھی علم ہوگا کہ کب کہاں کن ادویات یا دیگر صحت کی سہولیات کی ضرورت ہے نیز ٹیلی میڈیسن سے ہم مریضوں کی دہلیز تک دوائیں اور ڈاکٹر کو پہنچائیں گے۔
مصطفی کمال نے یقین دلایا کہ وفاقی حکومت صحت کی سہولیات بہتر کرنے کے لیے صوبوں کی ہر ممکن مدد کرنے کے لیے بالکل تیار ہے جبکہ عذرا پیچوہو نے بھی صوبے میں جاری ترقیاتی کاموں اور درپیش چیلنجز پر تفصیلی بات کی۔وزیراعظم پاکستان میاں شہباز شریف اسلام آباد میں جیسے جناح میڈیکل کمپلیکس اینڈ ریسرچ سینٹر بنا رہے ہیں ویسے ہی کراچی میں بھی جناح میڈیکل کمپلیکس اینڈ ریسرچ سینٹر سیٹلائٹ منظور کر لیا ہے۔دونوں وزرا صحت نے ملاقات میں وفاق اور صوبہ سندھ کے مابین تعاون بڑھانے اور ملک بھر کے عوام کو یکساں اور معیاری صحت کی سہولیات کی فراہمی کے لیے مل کر کام کرنے پر اتفاق کیا۔
بھارت کا نیا جھوٹا بیانیہ اور من گھڑت پروپیگنڈا بے نقاب
پاکستان میں آئی پی ایل کی اسٹریمنگ پر پابندی
غیر قنونی مقیم افغان مہاجرین کی واپسی ، مزید 1,296 افراد روانہ
