کراچی: سینئیراداکار مصطفی قریشی نے انکشاف کیا ہے کہ انہوں نے اپنی زندگی میں ہی اپنی قبرکے لیےجگہ مختص کروا لی ہے-
باغی ٹی وی :ماضی کے معروف اداکار مصطفیٰ قریشی نے یہ انکشاف یو ٹیوب پر ایک پوڈ کاسٹ انٹرویو میں کیا،اداکا نے بتایا کہ میری اہلیہ کراچی میں عبداللہ شاہ غازی کے مزار کے احاطے میں مدفون ہیں اورمیری بھی خواہش ہے کہ میں مرنے کے بعد اپنی بیگم کے پاس دفن ہوں،اس مقصد کے لیے بیگم کی آخری آرام گاہ کے پہلو میں اپنی قبر کے لیے جگہ مختص کروالی ہے کیونکہ وہاں صرف ایک ہی قبرکی جگہ بچی تھی۔
مصطفیٰ قریشی کے مطابق ا بھی میں نے وہاں پرایک پتھر رکھ دیا ہے جس پر ”مصطفی قریشی کے لیے جگہ مختص ہے“ لکھا ہے ابھی ادائیگی کرنا باقی ہے جو کہ 5 لاکھ روپے ہیں،انہوں نے بتایا کہ محکمہ اوقاف کی جانب سے انہیں قبرکے لیے مختص جگہ کا معاوضہ ادا کرنے کی پیشکش کی گئی تاہم انہوں نے انکارکردیا۔
واضح رہے کہ مصطفیٰ قریشی نے کئی مقبول فلمیں دیں انہوں نے ’مولا جٹ‘ فلم میں نوری نت کا کردارنبھانے سمیت ایسے کئی شاندار کردارادا کیے ہیں جو آج بھی پاکستانی پنجابی فلموں کی تاریخ کا ایک حصہ ہیں، مصطفیٰ قریشی کی اہلیہ روبینہ قریشی بھی گلوکاری کی دنیا میں نام بنا چکی ہیں ان کا 2022 میں انتقال ہوا۔
