مطالبات ہورے نہ ہوئے تو احتجاج جاری رہے گا، تاجروں کا اعلان

صوبائی دارالحکومت لاہور میں بھی ملک بھر کی طرح تاجروں کی ہڑتال جاری ہے، تاجر رہنماوں نے اعلان کیا ہے کہ اگر مطالبات پورے نہ ہوئے2019 کے انکم ٹیکس ریٹرن جمع نہیں کرائیں گے.

حکومت تاجر برادری کو نہ منا سکی، ملک گیر شٹر ڈاون ہڑتال

لاہور میں ہڑتال پر تاجر برادری میں اختلافات، کہیں دکانیں بند،کہیں کھلی

باغی ٹی وی کی رپورٹ کے مطابق لاہور میں تاجر برادری کی جانب سے شٹر ڈاون ہڑتال جاری ہے، تاجر برادری نے پنجاب اسمبلی کے سامنے ہڑتالی کیمپ بھی لگا دیا ہے، جہاں تاجر بڑی تعداد میں موجود ہیں، پنجاب اسمبلی ہڑتالی کیمپ میں تاجر رہنما آل پاکستان انجمن تاجران کے مرکزی سیکرٹری جنرل نعیم میر نے میڈیا سے گفتگو کرتے ہوئے کہا کہ ہمارے جائزمطالبات نہ مانے گئے تو احتجاج جاری رہے گا ،نعیم میر کا مزید کہنا تھا کہ وزیراعظم عمران خان کو مذاکرات کی دعوت دیتے ہیں.مطالبات پورے نہ ہوئے تو انکم ٹیکس ریٹرن جمع نہیں کروائیں گے .

حاصل بزنجو، چیئرمین سینیٹ کے اپوزیشن کے متقفہ امیدوار،سینیٹر کب بنے؟

چیئرمین سینیٹ کے امیدوار پر اپوزیشن کا ہو گیا اتفاق،کون ہو گا نیا چیئرمین سینیٹ؟

انجمن تاجران اورپاکستان ٹریڈرز الائنس نے علیحدہ علیحدہ دھڑے بنا لیے ہیں، لاہور کے علاقوں ہال روڈ، مال روڈاورلبرٹی مارکیٹ میں دکانیں بندہیں، بیڈن روڈ،اچھرہ،فیروزپورروڈ،صرافہ مارکیٹ،جیل روڈ پربھی دکانیں بند ہیں.

دوسری جانب انارکلی، بادامی باغ، منٹگمری روڈ، میکلوڈ روڈ جزوی طور پرکھلا رہےگا،نکلسن مارکیٹ، شاہ عالم مارکیٹ بھی جزوی کھلی رہیں گی.

لاہور میں آل پاکستان انجمن تاجران اور کار ڈیلرز نے  ہڑتال کا اعلان کیا ہے جب کہ کیمسٹ ریٹیلرز نے مارکیٹیں اور دکانیں کھلی رکھنے کا عندیہ دیا ہے، فلور ملز ایسوسی ایشن نے 17 جولائی تک ہڑتال مؤخر کر دی ہے۔