این اے 242 پر سیٹ ایڈجسٹمنٹ سے متعلق کچھ کہنا قبل از وقت ہے، مصطفیٰ کمال

متحدہ قومی موومنٹ پاکستان کے مرکزی رہنما مصطفیٰ کمال نے کہا کہ ہمیں پنجاب میں کسی بڑے جماعت کی حمایت چاہئے جو کہ پی ٹی آئی یا پی پی پی نہیں ہو سکتی ،مصطفی کمال نے کہا کہ ڈیڈلاک کہیں نہیں، ن لیگ سے بات چیت چل رہی ہے۔متحدہ قومی موومنٹ پاکستان کے مرکزی رہنما مصطفیٰ کمال کا نجی ٹی وی کے پروگرام میں کہنا تھاکہ ڈیڈلاک کہیں نہیں، ن لیگ سے بات چیت چل رہی ہے۔ انہوں نے کہا کہ دو سے تین دن میں معاملات واضح ہوں گے، ن لیگ اور ایم کیو ایم کی ابھی بات چیت جاری ہے حتمی فیصلے نہیں ہوئے۔ مصطفیٰ کمال نے کہا کہ ابھی این اے 242 پر سیٹ ایڈجسٹمنٹ سے متعلق کچھ کہنا قبل از وقت ہے کوئی حتمی فیصلہ ابھی نہیں ہوا۔ ہماری ن لیگ سے ریلیشن شپ اور انڈر سٹینڈنگ سیٹ ایڈجسمنٹ سے بالا تر ہے۔ ہمارا ایجنڈا اصلاحات اور آئینی ترمیم کا ہے اس کیلئے ہمیں پنجاب کی بڑی جماعت چاہیے۔ ہمیں پنجاب کی بڑی جماعت کی ضرورت ہے اور وہ پیپلزپارٹی یا پی ٹی آئی نہیں۔