نہ دامن پہ کوئی چھینٹ نہ خنجر پہ کوئی داغ

نہ دامن پہ کوئی چھینٹ نہ خنجر پہ کوئی داغ

تم قتل کرو ہو کہ کرامات کرو ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چند روز قبل سوشل میڈیا میں کوہلو بلوچستان کی ایک خاتون گراں بی بی مری کی ایک وڈیو وائرل ہوئی تھی جس میں وہ قرآن مجید ہاتھوں میں اٹھائے بلوچی زبان میں فریاد کر رپی تھی کہ میں اور میرے بچے صوبائی وزیر سردار عبدالرحمان خان کھیتران کی نجی جیل میں قید ہیں یہاں مجھ سمیت میری بیٹیوں سے جنسی زیادتی کی جاتی ہے اور تشدد بھی کیا جاتا ہے ہمیں اس سردار کے مظالم اور قید سے نجات دلائی جائے لیکن افسوس صد افسوس کہ اس مظلوم خاتون کی فریاد پر متعلقہ اداروں نے کوئی توجہ نہیں دی اور آج ان کی اور ان کے دو بیٹوں کی ایک کنویں سے تشددزدہ نعشیں برآمد ہوئی ہیں ۔ اس افسوسناک واقعہ کے بعد شہید گراں بی بی کے خاوند جوکہ سردار عبدالرحمن کے خوف سے روپوش ہے اس کی ایک وڈیو وائرل ہوئی جس میں اس نے اس خدشے کا اظہار کیا ہے کہ سردار کی مبینہ نجی جیل میں قید میرے خاندان کے دیگر افراد کو بھی قتل کیا جائے گا جبکہ سردار عبدالرحمن نے اس واقعے کے حوالے سے خود پہ لگائے گئے الزامات کو مسترد کرتے ہوئے اپنے خلاف ایک سازش قرار دیا ہے۔