ڈی آئی خان :قومی حلقہ NA38 سٹی ون میں آزاد امیدوار روشن ضمیر لغاری ایڈووکیٹ کی دھماکہ خیز انٹری

ڈیرہ اسماعیل خان،باغی ٹی وی(احمد نواز مغل کی رپورٹ)آزادامیدوار قومی اسمبلی حلقہNA38ڈیرہ سٹی ون روشن ضمیر لغاری ایڈووکیٹ کی ڈیرہ سٹی میں دھواں دھار انٹری، معروف تاجر رہنما وسماجی شخصیت حاجی سعد اللہ خان سے ملاقات ،حاجی سعد اللہ خان کی اپنے خاندان سمیت اور دوستوں کے ہمراہ آزاد امیدوار روشن ضمیر لغاری ایڈووکیٹ کی بھر پور حمایت کا اعلان جس پر روشن ضمیر لغاری ایڈووکیٹ نے حاجی سعداللہ خان ان کے گروپ اور دوستوں کا شکریہ ادا کیا،اس موقع پرآزادامیدوار قومی اسمبلی حلقہNA38ڈیرہ سٹی ون روشن ضمیر لغاری ایڈووکیٹ نے کہا کہ اللہ پاک نے ہمیں موقع دیا تو ہم عوام کی امیدوں پر پورا اتریں گے اورحلقہ سٹی ون میں ترقیاتی کاموں کاآغازکریں گے۔ انہوںنے کہاکہ میں ڈیرہ کاحقیقی فرزندہوں اورمجھے اپنی عوام کی محرومیوں کا احساس ہے ۔ انہوںنے کہاکہ سابقہ ادوارمیں حلقہ سٹی ون کو یکسرنظراندازکیاگیا ہے ۔ پرانے چہرے نئے دعوئوں کے ساتھ عوام کو بیوقوف بنانے کیلئے میدان میں اترے ہیں لیکن عوم باشعورہے اوران کی حقیقت جان چکی ہے ۔آزادامیدوار قومی اسمبلی حلقہNA38ڈیرہ سٹی ون روشن ضمیر لغاری ایڈووکیٹ نے کہاکہ میں عوامی نمائندہ ہوں اورکامیاب ہوکر عوام کی حقیقی معنوں میں خدمت کروں گا۔