نیب پراسیکیوٹر کی گاڑی پر فائرنگ، چیئرمین نیب میدان میں آ گئے، کیا کہا؟
نیب پراسیکیوٹر کی گاڑی پر فائرنگ، چیئرمین نیب میدان میں آ گئے، کیا کہا؟
باغی ٹی وی کی رپورٹ کے مطابق وفاقی دارالحکومت اسلام آباد میں نیب پراسیکیوٹرکی گاڑی پرفائرنگ کے واقعہ پر چیئرمین نیب جسٹس ر جاوید اقبال نے نوٹس لے لیا ہے، نیب کی جانب سے جاری اعلامیہ میں کہا گیا ہے کہ ڈی جی نیب فائرنگ کا معاملہ آئی جی اسلام آباد کے نوٹس میں لائیں، جائزہ لیاجائے سیکیورٹی کے مناسب انتظامات کیوں نہیں کیے گئے؟
نیب کی جانب سے جاری اعلامیہ میں مزید کہا گیا کہ نیب پراسیکیوٹرکی گاڑی پرفائرنگ کرنے والے ملزمان کوگرفتارکیا جائے.
واضح رہے کہ وفاقی دارالحکومت اسلام آباد میں جعلی اکاؤنٹس کیس میں نیب کے پراسیکیوٹر کی گاڑی پر فائرنگ کا واقعہ پیش آیا ہے۔ نیب پراسیکیوٹر کی گاڑی پر سواں گارڈن کے قریب فائرنگ کی گئی۔ تاہم واثق ملک اس میں محفوظ رہے۔
پولیس کا کہنا ہے کہ نیب پراسیکیوٹر کی گاڑی پر 2 فائر کیے گئے۔نیب پراسیکیوٹر پر فائرنگ راوال پنڈی کے علاقے تھانہ لوہی بھیر کی حدود میں ہوئی،واثق ملک پانامہ کیس میں بھی نیب کے اسپیشل پراسیکیوٹر تھے،
پولیس کے مطابق موٹرسائیکل سواروں نے گاڑی پر آگے سے فائرنگ کی،گاڑی کی اسپیڈ زیادہ ہونے کی وجہ سے واثق ملک محفوظ رہے
Leave a reply
