نمک کا زیادہ استعمال ذہنی بیماریوں کا سبب بن سکتا ہے،تحقیق

لندن: نمک کا زیادہ استعمال نہ صرف ہائی بلڈ پریشر بلکہ ذہنی بیماریوں کا سبب بھی بن سکتا ہے-

باغی ٹی وی : محققین کا اندازہ ہے کہ دنیا بھر میں زیادہ تر لوگ روزانہ 9 سے 12 گرام کے درمیان نمک کا استعمال کرتے ہیں۔ یہ سوڈیم کی روزانہ تجویز کردہ زیادہ سے زیادہ مقدار سے کہیں زیادہ ہےزیادہ نمک والی خوراک ہائی بلڈ پریشر کے لیے ایک معروف خطرہ عنصر ہے۔ پچھلی تحقیق نے نمک کی بڑھتی ہوئی مقدار کو علمی کمی اور ڈیمنشیا کے زیادہ خطرے سے بھی جوڑا ہے مزید برآں، ہائی بلڈ پریشر والے لوگ ڈیمنشیا کے بڑھتے ہوئے خطرے میں ہوتے ہیں۔

اے این ایف کی ملک بھر میں کارروائیاں، بھاری مقدار میں منشیات برآمد

برٹش فارماکولوجیکل سوسائٹی میں شائع ہونے والی جاپانی ماہرین کی تازہ طبی تحقیقی رپورٹ میں انکشاف کیا گیا تحقیق میں ماہرین نے نمک کے زیادہ استعمال کے دماغ اور انسانی اعصاب پر پڑنے والے منفی اثرات جانچنے کے لیے چوہوں پر تحقیق کی اور انہیں 12 ہفتوں تک زیادہ نمک والا پانی اور خوراک دی۔

ماہرین نے اس کے بعد تمام چوہوں کی اعصابی، جسمانی اور دماغی صورتحال کا جائزہ لیا تو انہوں نے دیکھا کہ زیادہ نمک استعمال کرنے سے جذبات اور یادداشت کو کنٹرول کرنے والے پروٹین کی مقدار بڑھ جاتی ہے جس سے ڈیمینشیا یا الزائمر ہونے کے امکانات بڑھ سکتے ہیں-

ماہرین کے علم میں یہ بھی آیا کہ زیادہ نمک کے استعمال سے چوہوں کے دماغ میں (CaMKII enzyme) نامی کیلشیم پروٹین میں نمایاں کمی ہو گئی یہ پروٹین دماغ میں لہروں یا وہاں موجود نسوں کے درمیان سگنلز بھیجنے کا کام کرتا ہے زیادہ نمک کے استعمال سے چوہوں کے دماغ میں (PSD95) نامی پروٹین میں تبدیلیاں آئیں، یہ پروٹین دماغ میں موجود سیلز کے درمیان روابط کا کام کرتا ہے۔

چین نے 26 سیٹلائٹ ایک ہی راکٹ سےبھیج کر نیا ریکارڈ بنا لیا

زیادہ نمک استعمال کرنے سے چوہوں کے اعصابی نظام کے دو اہم ہارمونز (angiotensin II) اور (prostaglandin e2) اور ان کے جزوی ہارمونز میں بھی تبدیلیاں ہو رہی ہیں جو ہائی بلڈ پریشر کا سبب بن رہی ہیں زیادہ نمک کے استعمال سے چوہوں کے اعصابی اور دماغی نظام کے متعدد پروٹینز اور ہارمونز میں نمایاں تبدیلیاں دیکھی گئیں جو کہ ہائی بلڈ پریشر اور دماغی بیماریوں کا سبب بن سکتے ہیں۔

دونوں ہارمونز اور ان کے جزوی ہارمونز انسان کی نسوں میں خون کی روانی کو بہتر اور معیاری بنا کر اسے دل اور دماغ سمیت جسم کے دیگر حصوں تک پہنچانے کا کام کرتے ہیں جب کہ اس میں سے ایک ہارمون چوٹ لگنے یا خون بہنے کی صورت میں خون کے بہاؤ کو روکنے میں بھی معاون و مددگار ہوتا ہے۔

تحقیقی رپورٹ کے مطابق ماہرین نےواضح طور پر تجویز دی ہےکہ عام انسان کو روزانہ زیادہ سے زیادہ صرف چارگرام نمک کھانا چاہیے جب کہ موجودہ باربی کیو اور فاسٹ فوڈ کے دور میں عام افراد یومیہ بنیادوں پر 15 سے 20 گرام نمک کا استعمال کرتےہیں جومطلوبہ مقدار سے کم از کم 5 گنا زائد ہے-

بابا وانگا کی 2023 میں ایک تباہ کن ایٹمی تباہی کی پیشگوئی