فرخ حبیب کا نام ای سی ایل میں ڈالنے پر جواب طلب

باغی ٹی وی کی رپورٹ کے مطابق لاہور ہائیکورٹ میں تحریک انصاف کے رہنما فرخ حبیب کا نام ای سی ایل سے نکلوانے کی درخواست پر سماعت ہوئی،

جسٹس انوارالحق پنوں نے فرخ حبیب کی درخواست پر سماعت کی ، لاہور ہائیکورٹ میں دائر درخواست میں موقف اختیار کیا گیا ہے کہ حکومت نے سیاسی بنیادوں پر نام ایگزٹ کنٹرول لسٹ میں ڈال رکھا ہے کاروبار کے سلسلے میں دبئی جانا تھا ایف آئی اے نے ایئرپورٹ پر روک لیا

ابتدائی سماعت کے بعد عدالت نے فرخ حبیب کی درخواست پر وفاقی حکومت سمیت دیگر کو نوٹس جاری کر تے ہوئے آئندہ سماعت پر جواب طلب کر لیا۔

واضح رہے کہ فرح حبیب چند روز قبل دبئی جا ریے تھے کہ انہیں لاہور ایئرپورٹ پر روک لیا گیا اور انہیں جانے کی اجازت نہیں ملی جس پر فرح حبیب نے سماجی رابطے کی ویب سائٹ ٹویٹر پر ٹویٹ کرتے ہوئے احتجاج بھی ریکارڈ کروایا تھا

تحریک انصاف کے رہنما فرح حبیب پر مقدمہ بھی درج ہے اور وہ ضمانت پر ہیں دو روز قبل انسداد دہشتگردی کی لاہور کی عدالت نے فرح حبیب سمیت تحریک انصاف کے دیگر رہنماوں کی ضمانت کی درخواست میں توسیع کی تھی اور انہیں شامل تفتیش ہونے کا حکم دیا تھا۔