ممبئی :بھارت کی ٹی وی کی مشہور اداکار مسکان نینسی نے اپنی نند اور اداکارہ ہنسیکا موٹوانی، ساس اور شوہر کے خلاف مقدمہ درج کروا دیا۔
باغی ٹی وی: بھارتی میڈیا رپورٹس کے مطابق مسکان نینسی اور اداکارہ ہنسیکا موٹوانی کے بھائی کے درمیان 2020 میں شادی ہوئی تھی لیکن دو سال بعد ہی دونوں الگ ہوگئے تھے اب اداکارہ مسکان نینسی نے ممبئی کے امبولی پولیس اسٹیشن میں شوہر، ساس اور نند ہنسیکا کے خلاف مقدمہ درج کروایا ہے۔
مقدمے کے متن میں کہا گیا ہے کہ شادی کے بعد ساس اور نند نے زندگی میں مداخلت شروع کردی تھی جس کے باعث شوہر بھی تشدد کا نشانہ بناتا تھا اس کے علاوہ ساس اور نند مہنگے تحائف اور پیسوں کی ڈیمانڈ کرتے تھے اور مطالبات پورے نہ کرنے پر تنگ کیا جاتا تھا، اس دوران ڈپریشن ہوگیا اور لقوے (بیلز پالسی) کا شکار ہوگئیں۔
48 ممالک سے برطانیہ آنے والےمسافروں کو درخواست اور فیس کی ضرورت
پولیس نے مقدمہ درج کرکے تحقیقات کا آغاز کردیا۔
مسکان نے سوشل میڈیا پر اپنی پوسٹ میں لکھا کہ زندگی غیر متوقع اور حیرتوں سے بھری ہوئی ہےکچھ لوگ سوچتے ہیں کہ میں تھوڑا عرصہ کہاں غائب تھی،اور کچھ لوگوں نے یہ سمجھا کہ میں نے انڈسٹری چھوڑ دی ہے اور کچھ لوگ حقیقت میں جانتے ہیں کہ میں کیا کر رہی ہوں۔
اسٹیل کمپنیوں نے بائیڈن انتظامیہ کے خلاف مقدمہ دائر کردیا
مجھے بیل کے فالج نامی عارضے کی تشخیص ہوئی تھی (چہرے کا فالج) یہ بہت زیادہ تناؤ، صدمے کی وجہ سے ہو سکتا ہے میں 70 فیصد صحت یاب ہو گئی ہوں اور پچھلے چند ماہ میرے اور میرے والدین کے لیے بہت دباؤ والے رہے ہیں2021 سے پریشان تھی اور جذباتی تناؤ سے نمٹ رہی تھی لیکن ہر روز میں اپنی نعمتوں کو گن رہی ہوں اور خدا کا شکر ادا کر رہی ہوں کہ اس نے مجھے اس برے وقت کے دوران کھڑے ہونے کی طاقت دی اپنے والدین کی شکر گزار ہوں کہ انہوں نے مجھے سہارا دیا۔ میں یہ کہہ کر بات ختم کروں گی کہ زندگی آسان نہیں ہے لیکن مجھ پر بھروسہ کریں ایک دن ساری آزمائشیں ختم ہو جائیں گی، مضبوط رہیں ہمت نہ ہاریں۔
چیف جسٹس یحیی آفریدی کی سربراہی میں عدالتی اصلاحات پر اجلاس، اعلامیہ جاری
مسکان نینسی جمیز بھارت ٹیلی ویژن کی نامور اداکارہ ہیں اور انہوں نے کئی ڈراموں میں اداکاری کے جوہر دکھائے ہیں جس میں تھوڑی خوشی تھوڑے غم، ماتا کی چوکی سمیت دیگر ڈرامہ سیریل شامل ہیں جبکہ ہنسیکا موٹوانی بھی ٹی وی اور فلموں کی معروف اداکارہ ہیں، انہوں نے 2001 میں ڈراموں اور 2003 میں بطور چائلڈ اداکارہ کیرئیر کا آغاز کیا، اس کے بعد اب وہ کئی فلموں اور ڈراموں میں اداکاری کرچکی ہیں۔
شرجیل میمن کاصحافیوں کو پلاٹس کی فراہمی کا مسئلہ فوری حل کرنے کی ہدایات
