ننکانہ صاحب،باغی ٹی وی (نامہ نگاراحسان اللہ ایاز)ریسکیورز نے یوم آزادی پر قومی پرچم کو سلامی پیش کی اور یوم آزادی منایا
ضلعی ہیڈکوارٹرز پنجاب ایمرجنسی سروس ریسکیو 1122 ننکانہ صاحب میں یوم آزادی کی مناسبت سے ایک شاندار تقریب کا انعقاد کیا گیا۔ اس موقع پر ڈپٹی کمشنر چوہدری محمد ارشد بطور مہمان خصوصی شریک ہوئے۔
تقریب میں ریسکیورز اور ریسکیو سکاؤٹس کے چاق و چوبند دستوں نے قومی پرچم کو سلامی پیش کی۔ ڈسٹرکٹ ایمرجنسی آفیسر محمد اکرم پنوار نے ریسکیورز سے خطاب کرتے ہوئے کہا کہ یوم آزادی اتحاد، ایمان اور یقین کے تجدیدِ عہد کا دن ہے۔
انہوں نے ریسکیورز کو حوصلہ افزائی کرتے ہوئے کہا کہ وہ اپنی ذمہ داریاں بڑی محنت سے انجام دے رہے ہیں۔
ڈپٹی کمشنر چوہدری محمد ارشد نے ریسکیورز کی خدمات کو سراہا اور کہا کہ ریسکیورز عوام الناس کو جو معیاری سروسز مہیا کر رہے ہیں وہ قابل تعریف ہیں۔
