ننکانہ صاحب (باغی ٹی وی نامہ نگار احسان اللہ ایاز) پاکستان کے شہر ننکانہ صاحب کے رہائشی حاجی نواز اکمل چوہدری نے سعودی عرب میں ایمانداری کی اعلیٰ مثال قائم کر دی۔
حاجی نواز اکمل چوہدری جو شاد باغ کینیڈا کالونی کے سابق کونسلر بھی ہیں، عمرے کی ادائیگی کے لیے سعودی عرب گئے تھے۔ وہاں عمرے کے دوران انہیں زائرین کا ایک بیگ ملا، جس میں قیمتی اشیاء، پاسپورٹ، موبائل اور تقریباً سات سے آٹھ لاکھ روپے موجود تھے۔
حاجی نواز اکمل نے بیگ کے مالک، ایک مصری شہری کو تلاش کیا اور اس کی امانت اسے واپس کر دی۔ مصری شہری عمرے کی ادائیگی کے لیے آیا ہوا تھا۔ حاجی نواز اکمل کے اس عمل نے پاکستان کا نام روشن کر دیا۔
