ننکانہ : چائلڈلیبر کےخاتمے کے لیے تمام تر وسائل کو بروئے کار لایا جائے-محمد حنیف

ننکانہ صاحب باغی ٹی وی ( نامہ نگار احسان اللہ ایاز)چائلڈلیبر ایکٹ کی خلاف ورزی اور رائج کردہ مزدوری نہ دینے والوں کے خلاف متعلقہ محکمے یکجاہوکر کاروائیاں کریں،چائلڈلیبر کے خاتمے کے لیے تمام تر وسائل کوبروئے کارلایا جائے،پوری تنخواہ کی وصولی ورکرز کا حق ہے،رائج کردہ تنخواہوں پر سمجھوتہ نہ کیا جائے۔ان خیالات کا اظہار ایڈیشنل ڈپٹی کمشنرجنرل ننکانہ صاحب محمد حنیف نے ڈی سی آفس کے کمیٹی روم میں منعقدہ ڈسٹرکٹ ویجیلنس کمیٹی کے خصوصی اجلاس کی صدارت کرتے ہوئے کیا ۔اجلاس میں ڈی ایس پی ہیڈکوارٹرز مسعود بھٹی،ڈپٹی ڈائریکٹر سوشل سیکورٹی کارڈز ذولفقار علی،محکمہ لیبر،بھٹہ خشت مالکان ودیگر متعلقہ اداروں کے افسران نے شرکت کی ۔ ڈسٹرکٹ ویجیلنس کمیٹی کے اجلاس میں جبری مشقت، چائلڈ لیبر،سوشل سیکورٹی کارڈ، بھٹوں کی رجسٹریشن اور بھٹہ مزدوروں کی اجرت جیسے معاملات زیر غور آئے۔ اس موقع پر محکمہ لیبرکی جانب سے ضلع بھر میں چائلڈ لیبر ایکٹ کی خلاف ورزی کرنے والوں کے خلاف کی گئی کارروائیوں کے حوالے سے تفصیلی بریفنگ دیتے ہوئے بتایاگیا کہ ماہ جنوری کے دوران چائلڈلیبر ایکٹ کی خلاف ورزی کرنےوالوں اور کم مزدوری دینے والوں کے خلاف کاروائی کرتے ہوئے متعدداینٹوں کے بھٹوں سمیت دوکانوں پر انسپکشن کی گئی جس کے دوران کم مزدوری دینے والے کاروباری حضرات کے چالان عدالت کو بھجوادیے گئے ہیں۔ایڈیشنل ڈپٹی کمشنر جنرل محمد حنیف نے اس موقع پرمحکمہ لیبر کے افسران کو ہدایت کی کہ وہ ضلع بھر سے چائلڈ لیبر کے مکمل خاتمے کے لیے بھرپور اقدامات کریں اور اس حوالے سے متعلقہ قوانین کی خلاف ورزی کرنے والے بھٹہ مالکان کے خلاف فوری ایکشن لیں تاکہ بھٹہ مزدوروں کو حکومت کی طرف سے رائج کردہ مزدوری کی ادائیگی کوہر قیمت پر یقینی بنایا جاسکے