ننکانہ صاحب، باغی ٹی وی( نامہ نگار احسان اللہ ایاز) ڈپٹی کمشنر محمد تسلیم اختر راؤ کی زیر صدارت دانش سکول کی گورننگ باڈی کا اجلاس منعقد ہوا۔ اجلاس میں پرنسپل دانش سکول کرنل (ر) محمد محی الدین اطہر، وائس پرنسپل اور دیگر ممبران نے شرکت کی۔
پرنسپل دانش سکول نے داخلہ پالیسی، سکول کی سرگرمیوں اور تعلیمی نتائج پر بریفنگ دی۔ اجلاس میں اساتذہ کی بھرتی اور بجٹ کے استعمال پر تبادلہ خیال کیا گیا۔
چیئرمین گورننگ باڈی دانش سکول محمد تسلیم اختر راؤ نے کہا کہ دانش سکول ایک جدید منصوبہ ہے جو پسے ہوئے طبقے کو تعلیم کے یکساں مواقع فراہم کر رہا ہے۔ انہوں نے کہا کہ وہ خود تعلیم کے پلیٹ فارم سے اس سکول کے لیے مزید کوشش کریں گے تاکہ غریبوں کے بچے بغیر کسی خرچے کے تعلیم حاصل کر سکیں۔
انہوں نے مزید کہا کہ اسٹیٹ آف دی آرٹ سکول میں معیاری تعلیم کی فراہمی ہم سب کی ذمہ داری ہے۔
